وەزارەتی پەروەردە ئاگادارییەکی لەبارەی تاقیکردنەوەکان بڵاو کردەوە
لە نووسراوێکی فەرمی وەزارەتی پەروەردەی حکوومەتی هەرێمی کوردستان، کە ئاراستەی بەڕێوەبەرایەتی گشتی پەروەردەکان کراوە و تێیدا هاتووە، "لەبەر باری دەروونی و ئەو دۆخە هەستیارەی کە قوتابیان و خوێندکارانی خۆشەویست لەم کاتەدا پێیدا تێدەپەڕن، سەرجەم مامۆستا و بەڕێوەبەر و سەرپەرشتیاران ئاگادار دەکاتەوە کە لەبوونی هەر سەرنج و تێبینیەک لەڕێگەی ناوەندی کارگێڕییەوە سەرووی خۆیان ئاگادار بکەنەوە، بەهیچ شێوەیەک نابێت لە تۆڕە کۆمەڵایەتییەکان و ڕاگەیاندن بڵاو بکرێتەوە".
ڕوونیشکراوەتەوە، کە بەپێچەوانەی ئەو بڕیارە رێکاری یاسایی و کارگێڕیان بەرامبەریان دەگرێتەبەر.
باسنيوز
