ل شنگال تەرمێ كەسەكی نەناسیار هاتە دیتن
ئەڤرۆ 13/5/2019 وەیس نایف، سەرۆكێ جڤاتا قەزا شنگال دیار كر: "تەرمێ وەلاتیەكی نەناسیار دناڤ ئاڤاهیەكێ دا ل سەنتەرێ قەزا شنگال هاتە دیتن. وەسا دیارە ئەڤە نێزیكی هەیڤەكێ یە هاتیە كوشتن لێ ژ نۆكە تەرم وێ هاتە دیتن كو سەرێ وی هاتبوو ژێڤەكرن وهیچ بەلگەنامەك ژی دگەلدا نەبوویە لەورا ژی هەتا نۆكە تەرمێ وی كەسی هاتیە دیتن، دیارنەبوویە كیە و تەرم بۆ نۆشداریا داد ل مووسل هاتیە رەوانەكرن. دووڤ زانیاریان ژی ژیێ وی كەسی هاتیە كوشتن دسەر 20 سالیێ دایە".
خویا ژی كر: "ئەڤە نە جارا ئێكێ یە وەسا خەلك ل شنگال دهێنە كوشتن وبێ سەروشین دبن. ژ رۆژا 16 ئۆكتوبەرێ هەتا نۆكە گەلەك حالەت دروستبووینە و ئەنجامدانا ڤان تاوانان ل شنگال بوویە ئەگەر مەترسیی پتر دلێ خەلكێ دا دروست بیت".
باسنيوز
