جڤاتا شنگال: ل خانەسۆرێ پەكەكێ هەموو تشت خستیە بن كۆنترۆلا خۆ
وەیس نایف، سەرۆكێ جڤاتا قەزا شنگال دیار كر: "ل خانەسۆرێ پەكەكێ سەردەری وەكو رۆژئاڤایێ كوردستانێ دگەل خەلكێ دكەت. دووڤ بەرنامێ وان خانەسۆر یا وانە. ئەو وەكو خوە وبەرنامێ خوە سەردەریێ دگەل خەلكێ ژی دكەن. هەموو هێزا وان ل خانەسۆرێ دایە. وان خانەسۆر وەكو پایتەخت یا بخوە دانایە. ب ڤێ شیوەیێ سەردەریێ رۆژئاڤا دگەل خانەسۆرێ دكەن. هەتا ژی دەمێ كەسەك ژ خانەسۆری بەرەڤ سنۆنێ بهێت زالگەهێن وان دبێژنێ دێ چیە عێراقی! وەسا كاردكەن ل دەڤەرا خانەسۆرێ. ئەو بێژن خانەسۆر یا مەیە".
خویا ژی كر: "هەر تشتەكێ ل شنگال بهێتە كرن هەكە رازیبوونا پەكەكێ لسەر نەبیت ناهێتە كرن، بتایبەتی ژی دەمێ ئیدارا نە شەرعی ل شنگال هاتیە دانان. نۆكە شنگال وەسا لێهاتیە هەر كەسەكێ بێهنا پارتی ژێ بهێت ئەو قبوول ناكەن ل شنگال بیت".
باسنيوز
