سوپایێ عێراقێ هێزێن خوە ل شنگال زێدە كرن
قادر قەچاغ، بەرپرسێ لقێ 17 پارتی دیموكراتی كوردستان ل قەزا شنگال دیار كر: "ل قوبیلەتێ چیایێ شنگال سوپایێ عێراقێ لێ هاتیە زێدەكرن وەكو مە زانی و حەشدا شەعبی ژی بەرەڤ تەلەعفەر چوویە. ئەو هێزا سوپایێ عێراقێ بەرەڤ شنگال هاتیە تشتی مە ژی زانی وبتنێ یا مەزانی بەغدا هێزێن خوە زێدە كرن".
خەلیل شڤان، بەرپرسێ رێكخستنا فەرماندەیا شنگال یا پێشمەرگەهێ كوردستانێ دیار كر: "ل قوبیلەتێ شنگال هەر ژ دەڤەرا تل عزێر و تل قەسەب و تل بنات هەتا دگەهتە نێزیك دەڤەرا بەعاج لیوا 20 یا سوپایێ عێراقێ هاتییە و پتر ژی بەرەڤ سنۆرێ شنگال بۆ سوریا هاتینە جێگیركرن. ل قەزا شنگال بۆ مە ژی ئاشكرا نەبوویە دێ چ كەن ل دەڤەرێ. نۆكە لیوا 20 یا سوپایێ عێراقێ هەموو هاتیە دەڤەرا شنگال".
باسنیوز
