ماڵپەڕی (تەسنیم) لەزاری بەڕێوەبەری گشتیی قەیرانی پارێزگای خووزستانەوە بڵاوی کردووەتەوە، ئەمڕۆ دووشەممە لە کاتی کارکردندا بۆریی نەوتی ئومیدیە بۆ ئەهواز تووشی ڕووداو بووە و ئاگری گرتووە.

لەمبارەوە کیامەرس حاجی‌زادە ئاشکرای کردووە: "کاتژمیر 10ی پێشنیوەڕۆی ئەمڕۆ دووشەممە 2019.5.6 لە کاتی چاککردنەوەی بۆرییەکەدا شۆفەڵێک لە کاتی کاردا لە بۆرییەکی 42 ئینجی نەوتی داوە و بەو هۆیەوە ئاگری گرتووە.


ئاماژەی بەوەش کردووە کە بۆ ماوەی 45 خولەک ئەو ئاگرە بەردەوام بووە و ئێستا لەلایەن تیمە فریاگوزارییەکانەوە کۆنترۆڵ کراوە.


هەتا ئێستا وردەکاری لەبارەی خەسارەی مادی و گیانیی ئەم ڕووداوە بڵاو نەکراوەتەوە.










باسنيوز