بەرپرسی لقی ٢٣ی پارتی دیموکراتی کوردستان لە مەخموور ئاشکرای کرد، کە ئەو گەنجە کوردانەی مەخموور کە لەلایەن هێزە عێراقییەکانەوە دەست بەسەر کرابوون ئازاد کران.

کرمانج عەبدوڵا، بەرپرسی لقی ٢٣ی پارتی لە مەخموور، لەمبارەوە ڕايگەیاند: "کاتژمێر ٣ی پاش نیوەڕۆی ئەمڕۆ دووشەممە ٢٩\٤\٢٠١٩ ئەو ١٣ گەنجە کوردەی دوێنێ لە مەخموور لەلایەن هێزە عێراقییەکانەوە دەستبەسەر کرابوون، ئازاد کراون".

بەرپرسی لقی پارتی لە مەخموور گوتیشی: "ئەو حاڵەتە ناهاساییەی لە مەخموور و شوێنەکانی دیکە هەیە، لە دوای ڕووداوەکانی ١٦ی ئۆکتۆبەرەوە باڵی بەسەر ئەو سنوورانەدا کێشاوە، پێشتر هێزەکانی پێشمەرگە لە ناوچەکە هەبوون و ئەمن و ئاسایش هەبوو، بەڵام ئەو هێزانەی ئێستا لە سنوورەکەن بەلای خەڵکەوە نامۆن و یارمەتیش نادرێن و بۆ خۆشیان ناشتوانن ناوچەکان بپارێزن، بەو هۆیەشەوە بەشی زۆری گوندەکانی سنوورەکە شوێنی خۆیان چۆڵیان کردووە".









باسنيوز