نێچیرڤان بارزانی، سەرۆکوەزیرانی هەرێمی کوردستان له‌ په‌یامێكدا سه‌ره‌خۆشی له‌ خانه‌واده‌ و كه‌سوكاری خوالێخۆشبوو پرۆفیسۆر د. عه‌بدولڕه‌حمان ڕه‌حیم كرد، ئه‌مه‌ ده‌قه‌كه‌یه‌تی:



بۆ خانه‌واده‌ی به‌ڕێزی پرۆفیسۆر د. عه‌بدولڕه‌حمان ڕه‌حیم

به‌ داخه‌وه‌ هه‌واڵی كۆچی دواییی خوالێخۆشبوو پرۆفیسۆر د. عه‌بدولڕه‌حمان ڕه‌حیممان پێگه‌یشت. پرسه‌ و سه‌ره‌خۆشیمان ئاراسته‌ی ئێوه‌ی به‌ڕێز و هه‌موو كه‌سوكار و دۆست و هاوڕێیانی ده‌كه‌ین، خوای گه‌وره‌ به‌ به‌هه‌شتی شاد بكات و سه‌بووریتان بداته‌وه‌.

خوالێخۆشبوو پرۆفیسۆر د. عه‌بدولڕه‌حمان ڕه‌حیم ته‌مه‌ن و ژیانی خۆی بۆ خزمه‌تی نه‌وه‌ دوای نه‌وه‌ی وڵاته‌كه‌ی ته‌رخان كرد و خاوه‌نی په‌نجا ساڵ خزمه‌تی ئه‌كادیمییه‌ كه‌ جێپیه‌نجه‌ی دیاره‌ و به‌و خزمه‌ته‌ بۆ هه‌میشه‌ له‌ یاده‌وه‌ریی نه‌وه‌كاندا ده‌مێنته‌وه‌.

یادی به‌ خێر و گیانی ئارام بێت.

نێچیرڤان بارزانی

سه‌رۆكوه‌زیرانی هه‌رێمی كوردستان

29/4/2019







باسنیوز