شنگال باژارەکە نەهاتیە ئاڤەدانکرن و خەلک ژی دکەمپاندانە و ناڤەگەرنە شنگالێ، دەڤەردارێ شنگالێ ددەتە خویاکرن، گەلەک ئەگەر هەنە کو خەلک ڤەناگەرن.

د رۆژەکا وەکی ئەڤرۆ دا و ل ٢٨ـی ٤ ـی ٢٠١٦ـێ ئه‌نجومه‌نێ نوێنه‌رێن عێراقێ ب زۆرینەیا دەنگان شنگال وەک باژارەك وێرانکری دایه‌ ناسکرن.

شنگال ئەو باژارێ زێدەتر ژ ٨٥% هاتیە وێرانکرن و هەتا نها دەست ب ئاڤەدانکرنا وێ ناهاتیە کرن، و خەلک ژی چاڤەڕێ گرەنتیکرنا ئەولەهیێ و ئاڤەدانکرنا باژارێ خۆ دکەن.

دڤی بیاڤی ژی دا، مەحەما خەلیل، د داخویانییەکێ دا بۆ ماڵپەرێ فەرمیی یێ پارتی دیموکراتی کوردستان ڕاگەهاند، کو شنگال ژ هەموو ڕوویەکی ڤە هاتیە پشتگوه هاڤێتن، باژارەک وێرانکریە، خەلک ژ بەر چەندین ئەگەران ناڤەگەڕنە باژارێ خۆ.

ناڤهاتی خویاکر ژی، ئەو باژار ژ چەندین ئالیانڤە پێدڤی ب خزمەتگوزارییانە، و هەر ژبەر ڤێ یەکێ ژی خەلک ناڤەگەڕیتەڤە، و هەتا نها زەمینە خۆشکرنەک بۆ خەلکێ نەبوویە کو ڤەگەڕیت، گەرەکە حکومەتا هەرێـمێ و یا ناڤەند ل سەر پرسا شنگالێ ل هەڤهاتنەکێ بکەن دا کوو ڕەوشا خەلکێ شنگالێ ئاسایی بیت.

نها د شنگالێ دا هێزێن سەر ب پەکەکێ و گرۆپێن حەشدا شەعبی د وی باژاری دانە، و خەلکێ شنگالێ ژی ژیانا کەمپان و چیایێ شنگالێ هەلبژارتیە و ناڤەگەڕنە بن دەستهەڵاتا وان هێزان.

د ئێڕشا ریکخراوا تیرۆریا داعشێ دا ئەو باژار هاتە وێرانکرن، و بە هەزاران کەس هاتنە کوشتن و رەڤاندن و ئاوارەکرن، وچەندین پیرۆزیێن ئێزدییان ل وی باژاری هاتنە ژناڤبرن.
kdp-