لە ناوچەی تۆپزاوای پارێزگای كەركووك، سێ تیرۆریستی سەر بە داعش دەستگیر كراون.

لە بەیاننامەیەكی فەرماندەیی ئۆپەراسیۆنە تایبەتەكانی سەر بە دەزگای دژە تیرۆری عێراق كە وێنەیەكی بۆ (باسنیوز) نێردراوە تێیدا هاتووە، ئەمڕۆ یەكشەممە 28/4/2019، سێ تیرۆریستی سەر بە داعش لە ناوچەی تۆپزاوای سەر بە كەركووك دەستگیر كران.

بەیاننامەكە ئەوەشی خستووتە ڕوو، كە تیرۆریستە دەستگیركراوەكان چەندین جار هێزە ئەمنییەكان و هاووڵاتییانی بێتاوانیان كردووەتە ئامانجی كردەوە تیرۆریستیەكانیان.

ماوەیەکە بەهۆی ناجێگیربوونی باری ئەمنیی کەرکووک کەلە ئەستۆی هێزە عێراقییەکان و میلیشیاکانی حەشدی شەعبییە، جموجۆڵی داعش زیاتر بووە و ناوە بەناوە هێرش دەکەنە سەر گوند و شارەدێ و ناوچەکانی سەر بەو پاریزگایە.











باسنيوز