تورکیا چوار بەرپرسی سەر بە پارتی کرێکارانی کوردستان (پەکەکە) لە شاری شنگال دەڕفێنێت.

بەپێی هەواڵێکی ئاژانسی (ئەنادۆڵ)ی فەرمیی تورکیا، ئەو چوار بەرپرسە رۆژی یەکشەممە 21-4-2019 لە لایەن تیمێکی هەواڵگریی تورکیا (میت) لە شنگال رفێندراون.

هەروەک ئەو ئاژانسە باسی کردووە، چوار کەسەکە بەرپرسی پارتی یەکێتیی دیموکراتی (پەیەدە)ی باڵی سیاسیی پەکەکە لە رۆژئاوای کوردستان بوون و دواتر لە شنگال بوونەتە بەرپرسی یەکینەکانی سەر بە پەکەکە لەو شارە.

ئەنادۆڵ ئاماژەی بەوەش کردووە، دەستگیرکراوەکان، کە چالاکییان بۆ پەکەکە لە عێراق و رۆژئاوای کوردستان کردووە، رادەستی ئاسایشی گشتیی تورکیا لە ئەنقەرە کراون.










باسنيوز