لە شاری سلێمانی کەمپینێک بۆ لەسێدارەدانی بکوژانی تاریقی بەقاڵ راگەیەندراوە و واژۆ بۆ پشتگیریکردن لە کەمپینەکە کۆدەکرێتەوە.

یەکێک لە خوشکەکانی تاریقی بەقاڵ کە لە کەمپینەکەدا ئامادە بوو و لەناو ئاپۆڕای خەڵک و دەنگی نەیدا داوای لە سێدارەدانی بکوژانی براکەی دەکات، دەڵێت، خەڵکی بە پلەی سەربازی جیاوازەوە لای بەرپرسە باڵاکان داوای لێخۆشبوون بۆ تاوانباران دەکەن.

دەشڵێت: "نامانەوێت بە هیچ بیانوویەک ئەو بکوژانە ئازاد بکرێن و داوای سزای راستەوخۆ دەکەین".

لە 18/12/2018، تاریقی بەقاڵ بێسەروشوێنکراو و کوردستان24یش لە بەدواداچوونێکیدا ئاشکرایکردبوو، کە تاریق بە ئۆتۆمبێلێکی جۆری تۆیۆتا ئەڤەلۆن بە تابلۆی 208705/سلێمانی لە نزیک گەراجی دووکانەکەی دیار نەماوە.

ئەو کاسبکارەی شاری سلێمانی، خێزاندار بوو، باوكی 4 منداڵ و تاقانه‌ی 10 خوشك بوو، لە 7/04/2019 هێزە ئەمنییەکانی سلێمانی دەستگیرکردنی باندێکی مەترسیداریان راگەیاند کە یەکێک لە تاوانەکەیان کوشتنی تاریقی بەقاڵ بوو؛ لە هەمان رۆژیش، تەرمی ئەو بێسەروشوێنکراوە دۆزرایەوە.

k24-