په‌یڤدارێ رێڤه‌به‌ریا هاتن و چوونا پارێزگه‌ها دهۆكێ راگه‌هاند، د روودانه‌كا ترافیكى دا ل سه‌ رێیا زاخۆ بۆ دهۆك، شۆفێرێ ترۆمبێله‌كا بارهه‌لگر گیانێ خوه‌ ژ ده‌ست دا.

موقه‌دم ئازاد تاها، په‌یڤدارێ رێڤه‌به‌ریا هاتن و چوونا پارێزگه‌ها دهۆكێ دیار كر: "ئه‌ڤرۆ رۆژا ئێكشه‌مبى رێكه‌فتى 2019/4/21 ل ده‌مژمێر (3:00) ئێڤاری ل جادا سه‌ره‌كیا دێربوون ل سه‌ر رێیا زاخۆ بۆ دهۆك، ترۆمبێله‌كا بارهه‌لگر مارسیدس ژ ئه‌گه‌رێ بله‌ز هاژووتنێ ل بن كونترولا شوڤێری ده‌ركه‌فت و خوه‌ ل كلبستونێ نیڤ جادێ دا و پاشی وه‌رگه‌ریا، د ئه‌نجام دا ب مخابنیڤه‌ شوفێری گیانێ خوه‌ ژ ده‌ست دا".

ئاشكرا ژى كر، كو زیانێن مادى مه‌زن ژى ب ترومبێلێ كه‌فتینه‌ و ته‌رمێ شۆفێرى ژى بۆ پزیشكیا داد هاتیه‌ ره‌وانه‌كرن بۆ پشكنینى.











باسنيوز