لەسەر ڕێگای کەرکووک - دیالە، دوو ڕووداوی ھاتوچۆ ڕوویان دا، بەو ھۆیەوەش ھەشت کەس بوونە قوربانی.

لەمبارەیەوە ئەحمەد عەلی، ئەفسەری پۆلیسی ھاتوچۆ لە بەڕێوەبەرایەتیی ھاتوچۆی دیالە، ڕايگەیاند: "ئەمڕۆ یەکشەممە 21/4/2019، بەھۆی دوو ڕووداوی ھاتوچۆ، 6 کەس بریندار بوون و دوو کەسیش گیانیان لەدەست دا".

دەشڵێت: "لە ڕووداوی یەکەمدا، نزیکەی کاتژمێر 10ی بەیانیی ئەمڕۆ، بەھۆی وەرگەڕانی مینی پاسێک لەسەر ڕێگای کەرکووک - دیالە، ئەفسەرێک گیانی لەدەست دا، سێ کەسی دیکەش بریندار بوون".

ئەو ئەفسەرە باسی لەوەش کرد، کە ھەر لە ھەمان ڕێگادا و لە ڕووداوی دووەمدا، بەھۆی ئەوەی بارھەڵگرێک خێرا دەڕۆیشت، ئۆتۆمبێلێک خۆی لە بارھەڵگرەکە لاداوە و وەرگەڕا، بەو ھۆیەشەوە کەسێک گیانی لەدەست دا و 3 کەسی دیکەش بریندار بوون.








باسنيوز