سکرتێری یەکێتیی کەمئەندامانی کوردستان ڕای دەگەیەنێت بەهۆی بڕینی مووچەی بەشێک لە کەمئەندامان ئەمڕۆ لەبەردەم ئەنجومەنی وەزیران گردبوونەوەیەکی ناڕەزەزاییان ڕێک خستووە و جەخت دەکاتەوە ناڕەزایەتییەکەمان بۆ ماوەی هەفتەیەک بەردەوام دەبێت.

سامان حوسێن، سکرتێری یەکێتیی کەمئەندامانی کوردستان ڕايگەیاند: "ئەمڕۆ یەکشەممە ۲۱/٤/۲۰۱۹ بە نوێنەرایەتیی هەموو کەمئەندامانی کوردستان ۱۰۰ کەمئەندام لە پێش ئەنجومەنی وەزیران گردبوونەوەیکی ناڕەزاییمان ڕێک خست".

سکرتێری یەکێتیی کەمئەندامانی کوردستان گوتیشی: "ئامانج لە ناڕەزایەتییەکە گەڕانەوە و پێدانی مووچەی ئەو کەمئەندامانەیە کە لە لێژنەی پزیشکی دەرچوون، هەروەها کردنەوەی دەرگا و دەستپێکردنەوە تۆمارکردنی ناوی کەمئەندامانە کە ماوەی چەند ساڵێکە دایان خستووە".

ئەوەی خستە ڕوو کە ٥۰ هەزار کەمئەندام مووچەکەی بڕاوە، ئەو دکتۆرانەی کە پشکنین دەکەن وەڵامی کەمئەندامان نادەنەوە.











باسنيوز