رێكخراوی (GIZ) ئەڵمانی بە هەماهەنگیی بەڕێوەبەرایەتیی كار و راهێنانی پیشەیی سۆران، لەڕێگەی پاسی گەڕۆكەوە بەمەبەستی دۆزینەوەی هەلی كار ناوی دەرچوانی كۆلێژ و پەیمانگەكان تۆمار دەكات.

شەوقی عەزیز، سەرپەرشتیاری پڕۆژەكە و جێگری بەڕێوەبەری كار و راهێنانی پیشەیی سۆران، رايگەیاند: "ئێستا بە هاوكاریی رێكخراوی (GIZ)ی ئەڵمانی لە رێگەی پاسێكی گەڕۆكەوە دەستمان کردووە بە تۆماركردنی ناوی بێكارانی دەڤەری سۆران، بەتایبەتیش دەرچوانی زانكۆ و پەیمانگەكان، كە تا ئێستا بە سەدان كەس ناوی خۆیان تۆمار كردووە و بەردەوامیش دەبین، هەروەها جگەلە شاری سۆران، بێكارانی شار و شارۆچكەكانی دیكەی دەوروبەر تۆمار دەكرێن".

ئاماژەشی بەوە دا، ئامانج لە تۆماركردنی ناوی بێكاران ئەوەیە، كە ئایا ئەم رێكخراوە چۆن بتوانێت هەلی كاریان بۆ بدۆزێتەوە و بەپێی تایبەتمەندیی كەسەكە لەمەودوا بخرێنە سەر كارێكەوە.










باسنيوز