بەڕێوەبەرایەتیی پۆلیسی گەرمیان لە ڕاگەیاندراوێکدا ئاشکرای کرد، کە لە کەلار کەسێک لەسەر خراپ بەکارھێنانی مۆبایل دەستگیر کراوە.

ئەمڕۆ چوارشەممە 17/4/2019، بەڕێوەبەرایەتیی پۆلیسی گەرمیان ڕاگەیاندراوێکی بڵاو کردەوە، تێیدا ھاتووە: "دوای سکاڵای ھاووڵاتییەک لە بنکەی پۆلیسی کەلار دژی ژمارەی مۆبایلێک کە بۆتە ھۆی بێزارکردنیان و ھەڕەشەیان لێ دەکات، دوای وەرگرتنی فەرمانی دادوەر و لێکۆڵینەوە و بەدواداچوون، بەیانیی ئەمڕۆ مەفرەزەکانی 104ی کەلار توانییان تۆمەتبارەکە دەستگیر بکەن".

ئاماژە بەوەش دراوە: "تۆمەتبارەکە دانیشتووی کەلارە، ئێستا بەبڕیاری دادوەر و بەپێی مادەی 2ی خراپ بەکارھێنانی مۆبایل بەند کراوە.










باسنيوز