بەرپرسێ رێكخستنا فەرماندەیا شنگال یا پێشمەرگەهێ كوردستانێ‌ دیار كر ب شەڤێ‌ پەكەكە و حەشدا شەعبی ل خانەسۆرێ هەڤكاریا ئێكدو دكەن بۆ ئەنجامدانا كارێن نەیاسایی دناڤبەرا قەزا شنگال و رۆژئاڤایی كوردستانێ‌ دا.



خەلیل شڤان، بەرپرسێ رێكخستنا فەرماندەیا شنگال یا پێشمەرگەهێ كوردستانێ‌ دیار كر: هەر دەمێ‌ دبیتە ئێڤار و شە ڤ ب سەر دەڤەرا خانەسۆرێ دا دهێـت، پەكەكە و حەشدا شەعبی دەست ب كارێن خوە یێد نە یاسایی ل دەڤەرێ دكەن. هەموو جۆرێن بازرگانیا نە یاسایێ‌ ئەنجامدەن. هەر حەشدا شەعبی ژی بوو ئەگەر پەكەكێ‌ دشنگالێ‌ دا بمینت چونكو پەكەكێ‌ و حەشدا شەعبی بەرژەوەندیێن خوە تایبەت دناڤ ئێكدا هەنە وپێكڤە ل دەڤەرا شنگال كاردكەن. پلانەكا نێڤدەولەتی ل دەڤەرێ شنگال هەیە ئەو پلان ژلایێ‌ پەكەكێ‌ و حەشدا شەعبی ڤە دهێـتە بجه ئینان".



خویا ژی كر: "دەمێ‌ حكومەتا عێراقێ هوشداری دایە پەكەكێ‌ شنگال چۆل بكەت حەشدا شەعبی پشتەڤانیا مانا پەكەكێ‌ ل شنگال كر و نەهێلا پەكەكێ‌ ژ شنگال دەربكەڤت چونكو وان هەردوو لایەنان بەرژەوەندی دگەل ئێك هەنە".








باسنیوز