به‌ها ئه‌عره‌جی، جێگری سه‌رۆك وه‌زیرانی پێشووی عێراق پێشوازی له‌ رێككه‌وتنی نێوان پارتی و یه‌كێتی بۆ پێكهێنانی كابینه‌ی نوێی حكوومه‌تی هه‌رێمی كوردستان ده‌كات و ده‌ڵێت: پێویسته‌ لایه‌نه‌ عه‌ره‌بییه‌كانی عێراق چاو له‌و دوو حیزبه‌ كوردییه‌ بكه‌ن.

له‌ به‌یاننامه‌یه‌كى ميدياييدا ئه‌عره‌جی گوتی: "رێككه‌وتنی ئه‌و دوو حیزبه‌ كوردییه‌ "پارتی و یه‌كێتی" هه‌نگاوێكه‌ به‌ ئاراسته‌یه‌كی راست و درووست و ره‌نگدانه‌وه‌ی ئه‌رێنی له‌سه‌ر به‌غداش ده‌بێت".

ئه‌عره‌جی گوتیشی: "هیوادارین كوتله‌ عه‌ره‌بییه‌كانیش هه‌مان هه‌نگاوی پارتی و یه‌كێتی بنێن، بۆ ئه‌وه‌ی بكه‌وینه‌ به‌رده‌م پرۆسه‌یه‌كی سیاسی سه‌قامگیر، كه‌ تێیدا حكوومه‌ت و په‌رله‌مان بتوانن ئه‌ركه‌كانیان به‌ خواستی ئه‌م قۆناغه‌ هه‌ستیاره‌ راپه‌ڕێنن".

k24-