وەزارەتی گواستنەوە و گەیاندنی حكوومەتی هەرێمی كوردستان، ئاشكرای دەكات، لەلایەن كۆمپانیایەكی ئیتاڵییەوە دیزاینی پرۆژەی هێلی گواستنەوەی سیتی پاس بۆ ناو شاری هەولێر تەواو كراوە و رێگاش بە کۆمپانیای باند دراوه‌ بۆ پرۆژەکە جێبه‌جێ بكات.

هۆشمه‌ند سادق،ت، به‌ گوێره‌ی راگه‌یه‌ندراوه‌كه‌ی وه‌زاره‌تی گواستنه‌وه‌ی حكوومه‌تی هه‌رێم، پرۆژەی سیتی پاس پێنج هێڵە و هەموو ناو شاری هەولێر دەگرێتەوە.

وه‌ك له‌و نه‌خشه‌یه‌ی بڵاویش كراوه‌ته‌وه‌، ئه‌و پێنج هێله‌ به‌ ره‌نگه‌كانی سوور، سه‌وز، شین، زه‌رد و قاوه‌یی نیشان كراون.

به‌ گوێره‌ی نه‌خشه‌كه‌ی، هێله‌كان به‌م شێوه‌یه‌ ده‌بێت:

هێڵی سوور: لە فڕۆكەخانەی هەولێر دەستپێدەكات تاكو ناوچەی رۆشنبیری.

هێڵی سەوز: لە كەسنەزانەوە دەستپێدەكات تاكو نەخۆشخانەی رۆژئاوا.

هێڵی شین : لەشۆڕش – دەواجنەوە دەستپێدەكات تاوەكو گۆڕستانی كاریگه‌ی قیر.

هێلی زەرد: لە شەقامی بنەسڵاوە دەستپێدەكات تاكو شەقامی مووسڵ.

هێڵی قاوەیی: هەموو شەقامی 100 مەتری دەگرێتەوە.

روونیشی ده‌كاته‌وه‌، خاوەنی کۆمپانیای جێبەجێکاریش راگەیاند، لە رێگای ئەم پرۆژەیەوە 800 هەلیکار دابین ده‌كرێت.
k24-