بەڕێوەبەرایەتیی بەرگریی شارستانی چەند رێنماییەک بۆ خۆپاراستن لەو رووداوانەی بەهۆی سووتان و تەقینی بوتڵی غازی ماڵانەوە روو دەدەن، بڵاو دەکاتەوە.



مقەدەم فیراس یاسین ئاکرەیی، بەڕێوەبەری بەرگریی شارستانیی ئاکرێ لە لێدوانێکدا، ژمارەیەک خاڵی بۆ خۆپاراستن لە ئاگرگرتنی بوتڵی غازی، دیاری کرد و بەپێویستیشی زانی لە هەموو ماڵ و چێشتخانەکاندا کاریان پێ بکرێت.



رێنماییەکان:



- دەبێ سۆندەی گواستنەوەی غاز لە بوتڵەکەوە بۆ تەباخ سۆندەی تایبەت بەە گواستنەوەی غاز بێت.

- دەبێ بوتڵی غاز لە شوێنێکی تایبەتی کراوە و لە دەرەوەی شوێنی تەباخەکە بێت.

- دەبێ ئەو کاتەی ئاگری تەباخەکە دەکوژێندرێتەوە، لەسەر بوتڵی غازەکەش بکوژێندرێتەوە.

- دەبێ کاتێ هەست بە بۆنی غاز کرا، دەرگا و پەنجەرەکان بکرێنەوە و نابێ هیچ شتێکی کارەبایی هەلبکرێت.

- نابێ سۆندەکە بەپشت فڕن و تەباخەوە بگوازرێتەوە.

- نابێ بوتڵی غاز بخرێتە ناو ئاوی گەرم.

- پێویستە لە نزیک هەموو تەباخێک، ئامێرێکی ئاگرکوژێنەوە بۆ حاڵەتی پێویست، هەبێت.













باسنیوز