لە یادی لەدایکبوونی محەمەد پێغەمبەری ئیسلام، سەرۆک بارزانی پەیامێکی بڵاوکردەوە کە تیایدا پیرۆزبایی ئاراستەی موسڵمانانی کوردستان و عێراق و جیهان دەکات.



لە بەشێکی پەیامەکەی سەرۆک بارزانیدا کە وێنەیەکی بۆ(باسنیوز) نێردراوە هاتووە"هیوادارین ئه‌م بۆنه‌ پیرۆزه‌ هۆکارێکی دیکه‌ی پته‌وبوونی په‌یامی ئاشتی و برایه‌تی و پێکه‌وه‌ژیان و لێبورده‌یی بێت".



سەرۆک بارزانی لە پەیامەکەیدا دەشڵێت"له‌ خودای گه‌وره‌ ده‌خوازین ئه‌م بۆنه‌ پیرۆزه‌ ‌ده‌رگه‌ی خۆشی و خێر و به‌ره‌که‌ت بۆ گه‌لی کوردستان و ناوچه‌که‌ به‌گشتی بکاته‌وه‌ و بێته‌ هۆی کۆتایهاتنی زوڵم و توندڕۆیی و چه‌وساندنه‌وه‌ی میلله‌تان".



ئەمەی خوارەوە دەقی پەیامەکەی سەرۆک بارزانییە:-

بسم الله الرحمن الرحیم

به‌بۆنه‌ی یادی له‌ دایکبوونی پێغه‌مبه‌ری مه‌زنمان محه‌مه‌دولمسته‌فا ( سڵاوی خوای له‌سه‌ر بێت) پیرۆزبایی له‌ سه‌رجه‌م موسڵمانانی جیهان و عێراق و موسڵمانانی کوردستان به‌تایبه‌تی ده‌که‌م.
هیوادارین ئه‌م بۆنه‌ پیرۆزه‌ هۆکارێکی دیکه‌ی پته‌وبوونی په‌یامی ئاشتی و برایه‌تی و پێکه‌وه‌ژیان و لێبورده‌یی بێت.
له‌ خودای گه‌وره‌ ده‌خوازین ئه‌م بۆنه‌ پیرۆزه‌ ‌ده‌رگه‌ی خۆشی و خێر و به‌ره‌که‌ت بۆ گه‌لی کوردستان و ناوچه‌که‌ به‌گشتی بکاته‌وه‌ و بێته‌ هۆی کۆتایهاتنی زوڵم و توندڕۆیی و چه‌وساندنه‌وه‌ی میلله‌تان.

والسلام علیکم ورحمە الله وبرکاته

مه‌سعوود بارزانی

11ی ره‌بیعولئه‌وه‌ل 1440ی کۆچی
19 ی نۆڤەمبەری 2018ی زاینیی