سێ پێشمهرگهیان د روودانهكا ترافیكێ دا گیانێ خوه ژ دهست دان
موقهدم ئازاد تاها، پهیڤدارێ رێڤهبهریا هاتن و چوونا پارێزگهها دهۆكێ دیار كر، ئهڤرۆ رۆژا دووشهمبى 19/11/2018 ل دهمژمێر 1:30 روودانهكا ترافیكی ل سهر جادا سهرهكی یا زاخۆ پێبزنێ ل نیزیك گوندێ ئاڤزریكێ كو دوو ئوتومبێلا لێكدایه، ئێك ئوتومبێلا بارههلگر و ئێك (BM) سالون ژ ئهگهرێ ڤێ روودانێ سێ پێشمهرگا گیانێ خوه ژ دهست دا و سێ كهس ژى بریندار بووینه.
رائید بێوار عهبدولعهزیز، پهیڤدارێ رێڤهبهریا بهرهڤانیا باژێرى ل پارێزگهها دهۆكێ، دیار كر كو ل دهمێ پهیدابوونا روودانێ پهیوهندی ب بنگههێ گهلیێ زاخۆ هاتهكرن ب ههبوونا روودانهكا ترافیكی و هندهك كهس ماینه د بن ترۆمبێلان ڤه، بنگههێ ناڤبری ل جهێ روودانێ ئامادهبوو و شیان وان كهسا ژ ناڤ ئوتومبێلا بیننهدهر و رهوانهبكهن بۆ نهخوشخانا تهنگاڤیا ل زاخۆ.
باسنيوز
