نها گەڕێن دانوستاندنان ژبۆ پێکئینانا حکومەتا هەڕێمێ دەستپێکرینە، و گرنگیدەرەک ب کاروبارێن ئێزدییان و شۆپێنەرێ سیاسی دبێژیت، گەرەکە ڕۆڵ ب ئێزدییان بهێتە دان نە هێنە پشت گوهـ هاڤێتن د پێکئینانا حکومەتێ دا.

دگەرێن دانوستاندنێن پێکئینانا حكومەتا هەرێمی دا، پارتی سەرەدانا هەر ئێک ژ ئێکەتیا نشتیمانی و بزاڤا گۆڕان کریە، بریارە چەندین سەرەدانێن دی ژی بکەت ب ڤێ مەرەمێ.

دڤی بیاڤی ژی دا. زێدۆ باعەدری، گرنگیدەرێ کاروباڕێ ئێزدییان بۆ ماڵپەرێ فەرمیی یێ پارتی دیموکراتی کوردستان گۆت:''گەرەکە د حکومەتا بهێت دا ڕۆڵ پێ بهێتە دان، چونکی ئێزدی د ڕەوشەکا نەخۆشدانە، ژبۆ کو بشێن زێدەتر خزمەتێ ب گەلێ کورد و ب تایبەت کوردێن ئێزدی بکەن چونکی ئێزدی پێدڤی ب خزمەتگووزاریانە.''

ناڤهاتی ئاماژەدا، مە باوەری ب دەستهەڵاتا هەرێمی و پارتی هەیە د ڕۆڵی ب ئێزدییان بدەت د حکومەتێ دا، چونکی ئێزدی ل چەندین جهان هاتینە مەغدوورکرن ژ پۆست و پلەیان نموونە ژی د هەلبژارتنێن پەرلەمێنتۆیا عیراقێ ژی دا حکوتا عیراقێ ب ئەنقەست دەنگێن ئێزدییان سۆتن و بەهرا پتریان بەربژێرێن ئێزدییان نەگەهشتنە پەرلەمانی.''

دکۆمبوونا داویێ ژی دا سەرۆک بارزانی ل گەل ئێزدییان ل سحێلا ڕاگەهاند، ئێزدی پشکا ڕەسەنا گەلێ مەنە و گەرەکە د هەموو بیاڤان دا ڕۆڵێ خۆ بگێڕن.''
kdp-