شرۆڤەکارەکا سیاسى و مامۆستا زانینگەهێ راگەهاند،باشترە ڤێ جارێ حکومەتەکا زورینە بهێتە پێکئینان و ئەو لایەنێ پتریا کورسیکان ب دەستڤەئینایى حکومەتێ پێکبینیت.

پشتى ئەنجامدانا هەلبژارتنێن پەرلەمانێ کوردستانێ ل 30ى سیتمبەرا 2018ێ، پارتى دیموکراتى کوردستان شیایى 45 کورسیان بدەستڤە بینیت و بیتە پارتا ئێکێ لسەر ئاستێ هەرێما کوردستانێ و پێشتر لسەر ئاستێ عیراقێ ژى ببوو پارتا ئێکێ ل هەلبژارتنێن جڤاتا نوونەرێن عیراقێ، ژبۆ پێکئینانا حکومەتا نوو ل هەرێما کوردستانێ د.سوزان ئامێدى، شرۆڤەکارەکا سیاسى و مامۆستا زانینگەهێ دبوارێ زانستێن سیاسیدا بۆ مالپەرێ فەرمیێ پارتى دیموکراتى کوردستان گۆت:" پشتى ئەنجامێن هەلبژارتنێن پەرلەمانێ کوردستانێ ژلایێ دادگەها پسبور ڤە هاتینە پەسەندکرن، هەر لایەنەکێ سیاسى سەنگ و هێزا ل هەرێمێ زانى، ژبەر هندێ ژى گرنگە هەر ئالیەت پێداچوونێ د سیاسەتدا خودا بکەت ژبۆ پێکئینانا حکومەتا نوو ل هەرێما کوردستانێ، جونکى ل خولا چوویى یا پەرلەملنى هندەک لاوازى دپەرلەمانیدا هەبوون و ب تایبەت کێم دەرکرنا یاسایێن دپەرژەوەندیا گشتتیا جڤاکیدا".

دەربارەیى شێوازێ پێکئینانا حکومەتا نوو ل هەرێما کوردستانێ، مامۆستا زانینگەهێ دبوارێ زانستێن سیاسیدا خویاکر:" باشترە ڤێ جارێ حکومەتەکا زورینە بهێتە پێکئینان و ئەو لایەنێ پتریا کورسیکان ب دەستڤەئینایى حکومەتێ پێکبینیت برێکا 1+50 و چ موجامەلە لسەر دۆزا کوردى و لسەر کستێ چ بەرنامەیێن حکومەتا نوو نەئێنەکرن داکۆ حکومەت تووشى چ گرفت و ئالۆزیان نەبیت".

شرۆڤەکارا سیاسى زەلالکر:" حکومەتا بنکە فروان ل هەرێما کوردستان شکەستن ئینایە، ژبەر ڤێ ئێکێ نابیت خەلەتیێن کابینا چوویى دوبارە ببنەڤە، دهەمان دەمدا گرنگە حکومەتا نوودا کەسێن تەکنۆکرات و پسبور بهێنە پێش و کارێن خەلکى پرێڤەبەن".

سۆزان ئامێدى پتر ئاخفت:" هەر دەما ئالیێن سیاسى رێکەفتن لسەر بەرنامەیێ حکومەتێ و پێکئینا، نابیت وەکى کابینا دیتر ژلایەکێ ڤە دگەل حکومەتێ بیت و ژلایەکێ ڤە ئوپۆزسیون بیت، ژبەر ژیوارى سیاسى ل هەرێما کوردستانێ بۆ هەمى وەلاتیێن کوردستانێ روون و ئاشکەرا بوویە، دیسان ئەو لایەنێن خەلکێ سڤێل باوەرى پێ نەمایى گرنگە ب هوشیارى و هوورى سەرەدەرى دگەل بهێتەکرن دا چ خیانەتێن دیتر دوبارە نەبنەڤە".
kdp-