ئەمڕۆ شاندێكی پارتی دیموكراتی كوردستان بۆ گفتوگۆكردن لەبارەی پێكھێانی حكوومەت لەگەڵ لایەنەكان گەیشتە سلێمانی و لە دەستپێكدا لەگەڵ شاندێكی یەكێتی كۆبوونەوە.

پەیامنێری كوردستان24 لە سلێمانی رایگەیاند: "كەمێك لەمەوبەر كۆبوونەوەی شاندی پارتی و یەكێتی لە بارەگای مەكتەبی سیاسی یەكێتی لە سلێمانی دەستیپێكرد".

گوتیشی: "بڕیارە دوای یەكێتی شاندی پارتی سەردانی مەكۆی سەرەكی گۆڕان لە گردی زەرگەتە بكات و لەگەڵ شاندێكی ئەو حزبە كۆببێتەوە".

شاندی پارتی دیموكراتی كوردستان كە پێكدێت لە ئازاد بەرواری، جەعفەر ئیمینكی، مەحموود محەمەد، ھێمن ھەورامی و ئومێد سەباح، بڕیارە لە رۆژانی داھاتوودا گفتوگۆ لەگەڵ لایەنەكانی دیكەش بكەن.








K24