رەمەزان نسرالدین کێڤلى، سەرۆکێ ئەکادیمیا زانستێن سیاسى راگەهاند، ل هەرێما کوردستانێ رێرەوێ سیاسى تا رادەکێ نەیێ جێگر و سەقامگیر بویە تا نهو ژى حکومەتا بنکە فروان شکەستن ئینایە و پارتى دشێت زور ب سەناهى یاسا جاکسازیان و گەلەک یاسایێن دى ل کوردستانێ راستڤەکەت کو دخزمەتا خەلکیدا بن.

ژبۆ پێکئینانا حکومەتەکا بهێز و بجهئینانا داخوازیێن وەلاتیێن کوردستانێ دکابینا نوودا چ گرنگە بهێتەکرن، ژبۆ ڤێ ئێکێ رەمەزان نصرالدین کێڤلى، سەرۆکێ ئەکادیمیا زانستێن سیاسى بۆ مالپەرێ فەرمیێ پارتى دیموکراتى کوردستان گۆت:" گومان تێدا نینە هەر پارتەکا سیاسى هەولددەت بگەهیتە دەستهەلاتا سیاسى تاکو بشێت برێکا وێ دەستهەلاتێ پروژە و بەرنامێ خو یێ هەلبژارتنان جێبەجێ بکەت و بەردەوامیێ بدەتە دەستهەلاتا خو لوى وەلاتى یان وێ هەرێمێ، ل هەرێما کوردستانێ رێرەوێ سیاسى تا رادەکێ نەیێ جێگر و سەقامگیر بویە تا نهو ژى حکومەتا بنکە فروان شکەستن ئینایە".

سەرۆکێ ئەکادیمیا زانستێن سیاسى بۆ مالپەرێ فەرمیێ پارتى دیموکراتى کوردستان خویاکر:" ئابورێ هەر وەلاتەکى بنەمایەکێ سەرەکییە بو ئاڤاکرنا وەلاتەکێ بهێز ژهەمى لایەکیڤە، ئابور رویێ دی یێ سیاسەتێ یە، دیسان ژلایێ لەشکەرى ڤە هەبونا دوو هێزێن لەشکەرى و نە ئیکگرتنا وان خالەکا مەترسیدارە لسەر گشت بوارەکێ ژیانێ ل کوردستانێ و ژلایێ خزمەتگوزاریان کەم و گورى هەبوون".

پشتى هەلبژارتنێن پەرلەمانێ کوردستانێ یێن ئەڤ سالە و سەرکەفتنا پارتى ب 45 کورسیان رەمەزان کێڤلى زەلالکر:" ب دیتنا من بارێ پارتى زور گران بوو بتایبەت ئەو بەهانە نامینە درێکا پارتى دا ژبو ئەنجامدانا جاکسازیان و پارتى دشێت زور ب سەناهى یاسا جاکسازیان و گەلەک یاسایێن دى ل کوردستانێ راستڤەکەت کو دخزمەتا خەلکیدا بن، دیسان پارتى دشێت پێداچوونا سیستەمێ پەروەردەیێ و گشت سیستەمێن حوکمرانیێ ل هەرێمێ بکەت و ئەگەر ئارمانجا پارتى ل داهاتى دا کوردستانەکا بهێز بیت ئێکەم پروسیس دڤێت دەست بژێرا سیاسى ل ماوەکێ کێم دا گورانکاریان ئەنجام بدەن".

ل داهاتى چەندین خالەکێن زور گرنگ هەنە ببنە پروژێ جاکسازیێ بو پارتى دێ مەزنترین مفا ژێ وەرگریت وەکو مللەت هەم وەکو بەردەوامیدان ب دەستهەلاتا خو ل کوردستانێ وەک کێڤلى دیارکرى:" داریشتنا سیستەمەک پەروەردەیى لسەر بنەمایەکێ ئەکادیمى ب پلان بیت و ئەڤ سیستەمە لگور ژینگەها کوردستانێ بهێت گوهورین، دیسان گرنگیدان ب کەرتێ ساخەلەمى چ ژ پێگەهاندنا نوژدار یان کەسانێن تایبەتمەند یانژى بابەتێ دەرمان و بریارێن لڤێ دوماهیکێ یێن حکومەتا هەرێما کوردستانێ ئەگەر بهێنە بجئینان باشترین چارەسەریە بو کێشەیێن کەرتێ ساخلەمیێ، هەروەسا بابەتێ ژێرخانا ئابورى و گرنگیدان ب بەرهەمێ نافخو و دانانا کارخانە و پروژێن وەبەرهێنانێ ئیدى نابیت بتنێ مول و شوقە بهێنە ئاڤاکرن و مفایێ وەبەرهێنەرى تێدا بیت بەلکو ئیدى دڤێت حکومەت خو ل بەرهەمێ خومالى بکەیتە خودان، دهەمان دەمدا سەروەریا یاسایێ بالا دەست بیت و شەفافیەت ل کەرتێ نەفتێ و هەمى بوارێن ژیانا روژانە یا خەلکیدا هەبیت بو هندێ باوەرى دناڤبەرا خەلکى و دەستهەلاتێ دا دورست ببیت".

رەمەزان کێڤلى ئاخفت:" پارتى دیموکراتى کوردستان دشێت ل ماوەکێ زور کێم دا ل کابینا داهاتى دا جاکسازیان ئەنجام بدەت، ژبەر وەلاتیان ل چوار سالێن بورى مەزنترین بێهنفرەهی کێشایە بەرامبەر دەستهەلات و حکومەتا هەرێما کوردستانێ ژ قەیران و شەر و کێشەیێن سیاسى، کو رکەبەریا سیاسى گەهشت بوو ئاستەکى ئارامیا کومەلایەتى و سیاسى یا خەلکێ کوردستانێ تێکدا بوو".

کوردستانەکا بهێز پێدڤى بهێز و ئیرادەکا مەزنا جاکسازیێ هەیە، ژبەر هندێ چ حکومەتێن بنکە فراوان و هەر شێوازەکێ حکومەتەکێ گرنگ نینە بۆ وەلاتیێن کوردستانێ بتنێ ئەدائێ کارکرن و خۆشکرن و ئێکگرتنا رێزێن سیاسى گرنگە و دەست و هزرا مەژى دگەل وى کەس ولایەنى نە یێن مە بەرەف ئەڤى ئاسودێ گەش ببەت، بێگومان پارتى دیموکراتى کوردستان دشێت ڤێ ئێكێ بكەت وەک کێڤلى بەحسکرى.
kdp-