ئاكرێ.. خواست ل سەر دروستكرن و كرینا سوپێن دارا زێدە بۆیە
مشیر زێباری، هوستایێ دروستكرنا سوپێن دارا ل گوندێ گیرەی ل دەڤەرا ئاكرێ، راگەهاند: "ئەڤە دەمێ سێ سالایە ل وەرزێ پایزێ هەتا هەیڤا ئێك بەردەوام ئەم سوپێن دارا چێدكەین و دفروشین، ل سالا 1991 من دەست ب دروستكرنا سوپێن دار كریە، چۆ جارا وەك ڤان سێ سالا بازارێ سوپێن دارا خوش نەبۆیە و ئەڤسالە پتر ل هەمو سالەكێ هاولاتی سوپێن دارا دكرن.
ناڤبری گوتژی: "بەریا نوكە روژی ئێك سوپە من دروستدكر بەلێ نوكە روژانە چار سوپا دروستدكەم فروتن یا بەردەوامەو نەفت یا كێمەو قەیرانە دڤەر یا چیایە و بەفرەكا زور دباریت، نوكە هند بۆیە قەرەبالغ بۆیە سرە لسەر دروستكرنا سوپێن دارال دەڤەرێ".
تەكەز كر: "هەتا نوكە من پتر ژ 80 سوپا فروتینە ل هەموو سنوورێ پارێزگەها دهۆك و هەولێر قەستا كرینا سوپێن مە دكەن بهایێ وان ل ناڤبەرا 55 بۆ 75 هزارادایە سوپە ب بوری ڤە دفروشین، روژ بۆ روژی خواستا خەلكی لسەر كرینا سوپا زێدەتر دبیت، ئەگەرێ سەرەكی گرانبۆنا بهایێ نەفتێ و كێم دابەشكرنێ یە تایبەت ل دەڤەرێن چیایی".
باسنیوز
