ئه‌نجوومه‌نی ئاسایشی سه‌ر به‌ نه‌ته‌وه‌یه‌كگرتووه‌كان تاوتوێی بارودۆخی سیاسی و سه‌ربازی عێراق دەکات.

بڕیاره‌ ئه‌مڕۆ كاتژمێر 6ی ئێواره‌ به‌كاتی هه‌ولێر، ئه‌نجوومه‌نی ئاسایشی نێودەوڵەتی له‌باره‌ی ره‌وشی ئێستای عێراق و هه‌رێمی كوردستان كۆببنه‌وه‌ و هه‌ر له‌و كۆبوونه‌وه‌یه‌شدا چاوه‌ڕێ ده‌كرێت یان كوبیش، نوێنه‌ری سكرتێری گشتی نه‌ته‌وه‌یه‌كگرتووه‌كان له‌ عێراق گوتارێك پێشكه‌ش بكات و تیادا باس له‌ ئاكامه‌كانی هه‌ڵبژاردنه‌كانی ئه‌نجوومه‌نی نوێنه‌رانی عێراق و په‌رله‌مانی هه‌رێمی كوردستان و هه‌وڵه‌كانی لایه‌نه‌كان بۆ پێكهێنانی حكوومه‌تی نوێ له‌ به‌غدا و هه‌ولێر بكات.

هه‌روه‌ها بڕیاره‌ كوبیش چه‌ند پێشنیازێك بخاته‌ به‌رده‌م ئه‌نجوومه‌نی ئاسایش بۆ چۆنێتی چاره‌سه‌ركردنی كێشه‌كانی عێراق.




K24