سهندیكا مامۆستایان بزاڤێ دكهن رۆژهكێ بۆ ماموستایان بكهته بێهنڤهدان
وههبى یونس، سهرۆكێ لقێ دهۆكێ یێ سهندیكا مامۆستایان ، دیار كر: ”ئهم یێ ههولددهین كۆمبوونهكێ ل گهل رێڤهبهریا گشتیا پهروهردا دهۆكێ و ههر 10 رێڤهبهرێن پهروهردێ ل پارێزگهها دهۆكێ ئهنجام بدهین و د ڤێ كۆمبوونێ دا ئهم ب ژڤانین دوو داخوازى و پێشنیاران ژ پهروهردێ بكهین، داخوازیا ئێكێ ئهوه رێ بهێته دان ههر مامۆستایهك د حهفتیێ دا رۆژهكێ وهكو بێهنڤهدان وهربگریت، بێكو زیان ب كهرتێ خواندنێ و خشتێ خواندنا قوتابیان بكهڤیت و ب تنێ هاریكاریا وان بهێته كرن ههتا كو پاشكهفتێ مۆچهى نهمینیت“.
دهربارهى داخوازیا دوویێ یا سهندیكا مامۆستایان ژى، وههبى یونس دبێژیت: ”ئهم دێ داخواز ژ پهروهدێ كهین كو ئازادیێ بدهنه ماموستایان، ههر دهمێ وانێن خوه یێن رۆژێ گۆتن، بچنه مالێن خوه و ل قوتابخانێ نهمینن، ب تنێ ل گۆرهى وانه و خشتێ خوه ل قوتابخانێ بمینن و وهكو دى دهلیڤه ب وان بهێته دان بچنه مالێن خوه“.
عومهر عهلى، رێڤهبهرێ گشتیێ پهروهردا پارێزگهها دهۆكێ، دیار كر، كو ههتا نها چو رێنما و نڤیسار و داخوازیێن فهرمى ژ وهزارهتا نهگههشتینه دهستێ مه كو رۆژهك وهكو بێهنڤهدان ژلایێ قوتابخانان ڤه بۆ مامۆستایان بهێته دان یان ژى زێدهتر هاریكاریا وان بهێته كرن بۆ هندێ ل دووڤ وانێن خوه هاتن و چوونێ بكهن و ب تنێ بریارا بۆ مه هاتى ئهوه كو بهێنڤهدانێن رۆژێن شهمبى نهماینه.
bas news-
