سەرۆکی دەستەیا بلندا بنگەهێ لالش یێ ڕەوشەنبیری و جڤاکی ددەتە خویاکرن، ئەو ڕەوشا نها ل شنگالێ هەی، هندەکان نەڤێن ئیدارەیا شەرعی یا شنگالێ ڤەگەرێتەڤە ناڤا وی باژاری.''



د هەفتیا بۆری جڤاتا دەڤەرداریا شنگالێ و دەڤەردارێ وی باژاری ب بریارا جڤاتا پارێزگەها مووسڵێ و پارێزگارێ وی پارێزگەهێ ڤەگەڕیانە شنگال، د هەمبەردا هندەک هێزێن پەکەکێ و حەشدا شەعبی ڕیگڕی لێ کرن، دڤی بیاڤی ژی دا، شێخ شامۆ شیخۆ، ژ بۆ ماڵپەرێ فەرمیی یێ پارتی دیموکراتی کوردستان زەلالکر، کو ئەو هێزێن نها ل شنگالێ هەین گەفن ژبۆ پێشەڕۆژا وی باژاری چونکی ئەو دخوازن ب هێزێ و زۆرداریا چەکی ئیدارەیا شەرعی یا شنگالێ بگوهۆڕن.''



شامۆ، دهەمان دەمدا نوینەرێ کوردێن ئێزدی بوو لە پەرلەمێنتۆیا کوردستانێ دیار ژی کر، نها جیهان و ل سەر ئاستێ بلند ل ئەمریکا و ئەوروپا ژبۆ پشتەڤانیکرن و ئاڤەدانکرنا شنگالێ سندۆقێن هەڤکاریێ هەنە، بەلێ دەما دبینن کو ئەڤ هێزێن نەیاسایی هەین ل ناڤ شنگالێ، ئەو ''نائێن،''



نۆفەل ئەلعاگووب، پارێزگارێ مووسڵی ل کۆنگرەیەکی ررۆژنامه‌ڤانیێ دا، ل پارێزگەها دهۆکێ دەربارەی پێشەرٶژا شنگالێ دیارکر، ڕیکەفتن هاتیە کرن کو ئیدارەیا شەرعی یا شنگالێ ڤەگەڕیتە سەر کارێ خۆە و فیرقەیا ١٥ سەرکردایەتیا حەشدا شەعبی پارێزگاریا وی بکەت، و نها ژی د ڕژدین ل سەر ڤەگەڕیانا وان و ئیدارەیا شەرعی یا شنگالێ دێ ئەو بیت یا کو ژ ئالێی هەڤوەڵاتیان ڤە هاتیە دانان.''

نها شنگالی ٨٥% ل پارێزگەها دهۆکێ د خۆجهن و ژیانێ د کەمپاندا دبەنە سەر و وەک ئەو ددەنە خویاکرن کو ژبەر نەبوونا خزمەتگووزاریان و کاڤلبوونا باژاری و هەبوونا هێزێن نەیاسایی ئەو ئێدی نەشێن ڤەگەڕنە شنگالێ.



شنگال نها باژارەکی وێرانبوویە و ب تایبەت باشووری شنگالێ ژیان لێ نەمایە، چەندین ڕیکخراوێن جیهانێ شنگال وەک باژارەک کو ب کێر ''ژیانێ'' ناهێت ب ناڤکریە، ئەوژی پشتی خیانەتا ١٦ـی ئۆکتۆبەرێ هێزێن حەشدا شەعبی کؤنترۆلا وی باژاری کری.
kdp-