ئەحمەد سەفار: بهایێ پترۆلێ ل بازارێ جیهانیدا دێ بلند بیت
لسالا 2012ێ، حکومەتا عیراقا فیدرال بودجەیا هەرێما کوردستانێ برى و دشەرێ تیرۆرێدا ل عیراقێ و ل هەرێما کوردستانێ هەر ژ سالا 2014ێ تا نوکە حکومەتا عیراقێ ب ئێکجارى رەوشا هەرێما کوردستانێ کرە ددوورپێچەکا ئابۆریدا تا گەهشتیە وێ رادەیێ قەیرانا دارایى ل هەرێمێ پەیدا بوو، ژبۆ ب دەستڤەئینانا بودجەیا حکومەتا هەرێما کوردستانێ د.ئەحمەد سەفار، ئەندامێ لێژنا دارایى دجڤاتا نوونەراندا ل عیراقێ بۆ مالپەرێ فەرمیێ پارتى دیموکراتى کوردستان گۆت:" بودجەیا عیراقێ ب گشتى 132 تریلون دینار مەزاختنێن گشتى نە، 105 تریلون داهاتیێ گشتى نە، کورتهێنان 27 تریلون دینارن، ئەڤە لدووڤ وێ ئێکێ کۆ بەرمیلێ گازێ لسەر 56 دولارا دهاتە هژمارتن و رۆژانە 3 ملیون و 880 هزار بەرمیلێن گازێ هناردە دکەن".
ئەحمەد سەفار خویاکر:" دبازارێ ئەڤرۆدا بهایێ بەرمیلا گازێ ب 73دولارایە، و هوسا دئێتە پیشبینیکرن ئەڤ بلندبوونە دێ گەهیتە دناڤبەرا 80 تا 100 دولاران و دێ پترول پتر ئێتە ڤروتن، و لدووڤ پێداچوونێن مە دبیت تا 35 ترویلونان پارێ زێدە هەبیت و بڤى رەنگێ کورتهێنان ژى نامینیت".
ئەندامێ لێژنا دارایى دجڤاتا نوونەراندا ل عیراقێ زەلالکر:" نوکە هەر ژ دەمەکێ دیتر کاودان دخوشکەرن حکومەتا هەرێما کوردستانێ شاندەکێ شارازا بەرهەڤ بکەت و کومبوونان دگەل حکومەتا فیدرالا عیراقێ ئەنجام بدەت ژبۆ ڤەگەراندنا رێژا 17% ژ بودجەیا هەرێمێ، هەر چەندە ئەڤە رێژە نەیا یاسایى یە و مافێ کوردا 20% یە، بەلێ کورد ل دەمێ حکومەتا ئەیاد عەلاوى لسەر ڤێ رێژێ رێکەفت بوون".
kdp-
