ئه‌نجومه‌نێ پارێزگه‌ها نه‌ینه‌وا ب شێوه‌یه‌كێ فه‌رمى داخواز ژ حكومه‌تا عیراقێ دكه‌ت، گومركا فه‌یدیێ دناڤبه‌را پارێزگه‌ها نه‌ینه‌وا و پارێزگه‌ها دهۆكێ دا راكه‌ت، چونكو ئه‌ڤ گومركه‌ زیان ب ئاواره‌یان دگه‌هینیت.

سه‌یدۆ چه‌تۆ، سه‌رۆكێ ئه‌نجومه‌نێ پارێزگه‌ها نه‌ینه‌وا دیار كر، ده‌مه‌كه‌ خاله‌كا گومركى ل ناحیا فه‌یدیێ دناڤبه‌را پارێزگه‌ها نه‌ینه‌وا و پارێزگه‌ها دهۆكێ هاتیه‌ ڤه‌كرن و ل ده‌مێ ڤه‌كرنا ڤێ خالا گومركى، ئه‌م وه‌كو ئه‌نجوومه‌نێ پارێزگه‌ها نه‌ینه‌وا نه‌هاتبووینه‌ ئاگه‌هداركرن، هه‌روه‌سا ئه‌ڤ خالا گومركى زیانێ ب ئاواره‌یان دگه‌هینیت، چونكو ده‌لیڤێ رێكخراوان ناده‌ت پێدڤیان بگه‌هیننه‌ ئاكنجیێن كه‌مپێن ئاواره‌یان.

ئاشكرا ژى كر، كو خالا گومركا فه‌یدیێ زیان ب كه‌رتێ بازرگانى ژى گه‌هاندیه‌ و كاریگه‌ریه‌كا خراب كریه‌ سه‌ر بزاڤا بازرگانى دناڤبه‌را دهۆك و مووسل دا و گۆتژى: پتریا رێكخراوان ترۆمبێلێن هاریكاریان یێن مه‌زن د ڤێ رێكێ را دگه‌هیننه‌ كه‌مپێن ئاواره‌یێن پارێزگه‌ها دهۆكێ، به‌لێ پتریا وان ترۆمبێلان ل ڤێ خالێ دهێنه‌ راوه‌ستاندن و راگرتن.











باسنيوز