پاش کۆتایهاتنی یاریی فیناڵی نێوان یانەی پرێسپۆلیس (پیرۆزی) و یانەیەکی ژاپۆنۆنی لە تاران، لە ناحیەی "زەڕنە"ی سەر بە ئیلام لە نێوان لایەنگرانی دوو یانەی پیرۆزی و ئیستقلال شەڕ و ئاژاوە ساز بووە و لە ئەنجامدا کەسێک کوژراوە.

سەرچاوەیەکی ئاگادار لە ئیلامەوە ڕایگەیاند، شەوی ڕابردوو پاش یارییەکە لایەنگرانی یانەی پیرۆزی چوونەتە بەر دەرگای کەسێک بەناوی "جەواد محەمەدی) و سەرەنجام دەبێتە دەمەقاڵەی ومشتومڕیان و ئەویش تووڕە بووە بەتەما بووە بە چەکی "تاپڕ" لەوان بدات، کە لێیان سەندووە و تەقیان لێ کردووە و گیانی لەدەست داوە.

بەپێی زانیارییەکان جەواد محەمەدی کوڕی محەمەد، خەڵکی ناحیەی زەڕنەی پارێزگای ئیلامە و خێزاندارە و دوو باوکی دوو منداڵە.

ساڵانێکی زۆرە لە ئێران لە نێوان لایەنگرانی دوو یانەی ناسراو (پیرۆزی و ئیستقلال) دژایەتی و مشتومڕیکی زۆر هەیە و بە چەندین جار ڕووداوی لەم چەشنە ڕووی داوە.

یانەی پیرۆزی پاش دۆڕان لە بەرانبەر ئەو یانە ژاپۆنییەدا بوو بە دووەمی پاڵەوانێتیی یانەکانی ئاسیا.








باسنیوز