بە گوێرەی میدیاكانی نزیك لە پەیەدە، گرووپە چەكدارەكانی ئۆپۆزسیۆنی سووریا كە لەلایەن توركیاوە پشتگیریان دەكرێت، ژنێكی تەمەن 80 ساڵیان لە شاری عەفرین خنكاندووە.

ئاژانسی ھاواری نزیك لە پەیەدە رایگەیاندووە: "شەوی رابردوو لە گوندی برج عەبدالۆی شارۆچکەی شێراوای سەر بە عەفرین، چەكدارانی ئۆپۆزسیۆنی سووریا كە لەلایەن توركیاوە پشتگیریان دەكرێت، ھەڵیان كوتاوەتە سەر ماڵی هاووڵاتیەك بە ناوی نەزمی سەیدۆ محەمەد و هەڕەشەی کوشتنیان لە خانەوادەکەی کرد و ژن و منداڵەكانیان بەستووەتەوە و كەلوپەلی ماڵەكەیان دزیون، دواتر ژنێكی 80 ساڵ كە دایكی خاوەن ماڵەكە بوو خنكاندوویانە"..

بەپێی زانیاری ئەو ئاژانسە: "دایکی نەزمی سەیدۆ-یان بەستووەتەوە، دوای ئەوەی پار و زێڕەکانیان بردووە، خنکاندوویانە".
k24-