هەردوو کوڕەکەی نەوشیروان مستەفا کە لە ڕووی موڵکایەتییەوە خاوەندارێتیی تەواوی بزووتنەوەی گۆڕان دەکەن، لەنێو هەر ١٢ پەرلەمانتارەکەی فراکسیۆنی گۆڕان، بایەخێکی زۆر بە گۆرانی ئینزیبات، پەرلەمانتاری گۆڕان و گۆرانیبێژی میللی دەدەن.

ئەو گرنگیپێدانەی چیا و نما، کوڕەکانی نەوشیروان مستەفا بە گۆرانی ئینزیبات لە ئاستێکدایە کە ڕۆژی پێنجشەممە ٨ی ١١ی ٢٠١٨، چیا نەوشیروان لە تۆڕی کۆمەڵایەتیی (فەیسبووک) نووسینێکی بڵاو کردووەتەوە و تێیدا گەشبینیی خۆی بەوە دەربڕیوە کە ١٢ پەرلەمانتارەکەی حزبەکەی لە ئاستی خواستی گۆڕانخوازاندا بن.

لە پاڵ ئەو نووسینەدا، چیا نەوشیروان وێنەیەکی یەکتربینینی خۆی و پەرلەمانتارانی گۆڕانیشی بڵاو کردووەتەوە و تێیدا تێبینیی ئەوە دەکرێت، چیا و نما لە نێوان خۆیاندا، گۆرانی ئینزیباتیان داناوە و وێنەیان لەگەڵدا گرتووە.

چاودێران پێیانوایە کە ئەو وێنەیە دەرخەری بایەخپێدانی گۆڕانە بە گۆران ئینزیبات و جۆرێک لە سەرسامیی هەردوو کوڕەکەی نەوشیروان مستەفاش بەو گۆرانیبێژە میللییە دەردەخات کە ئێستا ئەندامی پەرلەمانی کوردستانە.














باسنیوز