نێزیكى 500 ژنان ل كهمپا دومیز ب تنێ دژین
نهسرین ژنهكا، پهنابهره ل كهمپا دومیز دژیت، ئاشكرا دكهت، کو ئهڤه ماوێ سێ سالانه ههڤژینێ بهرهڤ دهرڤهى وهلاتى چووى و نها گههشتیه وهلاتێ بریتانیا و گۆت: ”ئهز و شهش زارۆكێن خوه ب تنێ دناڤا خیڤهتهكێ دا ل كهمپا دومیز دژین و ههتا نوكه ههڤژینێ من نهشیایه مه بكێشیته دهرڤهى وهلاتى، زێدهبارى هندێ كو ئهو شیایه ل وێرێ ئیقامێ وهربگریت و ئهڤه چهندین جاران ههولدان ژى كرن“.
ئاشكرا ژى كر، كو نها رهوشا وێ و زارۆكێن وێ گهلهك یا خرابه و گهلهك بێزاربووینه ژ بهر كو زارۆك بێ بابێ خوه نهشێن بژین و گۆت: ”هژمارهكا زۆر یا ژنان نها ل كهمپا دومیز ل گهل زارۆكێن خوه دژین و ههڤژینێن وان چووینه دهرڤهى وهلاتى، بۆ هندێ بشێن مامهلا خێزانێ ههموویێ دروست بكهت و وان ژى بكێشنه ئهورۆپا و ژیانا وان ژ بن خیڤهتان قورتال بكهن“.
ل گۆرهى زانیاریێن بدهستخڤۆڤهئیناین، ههر ژ پێنج خێزانان خێزانهك ههیه باب ل ئهورۆپایه و ژن ب تنێ ل گهل زارۆیێن خوه دا دژیت و نها ب تنێ ل كهمپا دومیز1 و دومیز 2 كو بهرى نها نێزیكى 160 هزار پهنابهران ل كهمپا دومیز دژیان، بهلێ نها هژمارا ئاكنجیێن پهنابهرێن رۆژئاڤا بۆ 80 هزاران كێمتر لێ هاتیه و نێزیكى 500 زهلامان خێزانێن خوه بجه هێلاینه و چووینه دهرڤهى وهلاتى و چاڤ ل هندێ نه خێزانێن خوه ژى بكێشنه ئهورۆپا و پێكڤه بژین.
ئدریس نهبى، رێڤهبهرێ جێبهجێكار یێ بۆردێ كارۆبارێن مرۆڤایهتى ل پارێزگهها دهۆكێ، بۆ (باسنیوز) دیار كر: ”نها ل ههردوو كهمپێن دومیز و دهرڤهى كهمپان هژمارا پهنابهران گههشتیه 80 هزار پهنابهران و ههیڤانه نێزیكى حهفت خێزانان كهمپێ بجه دهێلن و گهلهك ژ وان دچنه دهرڤهى وهلاتى و رێژهیهكا مهزن یا خێزانان ههیه باب چوویه دهرڤهى وهلاتى و خێزانێن خوه هێلاینه ل كهمپێ و نهشێن خێزان و زارۆكێن خوه ببهنه دهرڤهى وهلاتى“.
bas news-
