لێپرسراوی ڕاگەیاندنی پەروەردەی ڕانییە، ئاشکرای کرد لیژنەیەک بۆ یەکلایی کردنەوەی چارەنووسی ئەو قوتابخانانە پێکدهێندرێت کە چەند ساڵێکە سستمی خوێندنەکەیان ئینگلیزییە.



یوسف ناودەشتی، لێپرسراوی ڕاگەیاندنی پەوەردەی ڕانییە ڕاگەیاند، بەمەبەستی ھەڵسەنگاندن و بەدواداچوون بۆ کێشە و چۆنیەتی بەرەوپێشبردنی ئەو قوتابخانانەی کە ھەرسێ ئاستی (یەک و دوو سێ )یان بە ئینگلیزییە، ئەمڕۆ پێنجەممە شاندێكی بەڕێوەبەرایه‌تی گشتیی پەروەردەی سلێمانی لەگەڵ سەرپەرشتیارانی ئینگلیزی و زانست و بیرکاری پەوەردەی ڕانییە کۆبوونەوە و تێیدا کۆسپ و لەمپەری بەردەم پرۆسەکە و شێوازی چارەسەر و بەردەوامی سیستمەکەیان لە سنورەکە، خستەڕوو.



ئاماژه‌ى به‌وه‌ش دا، كه‌ لەسنووری پەروەردەی ڕانییە 31 قوتابخانە، به‌ سيستمی ئینگلیزین، لە کۆبونەوەکەشدا باشی و خراپی سیستمی پەروەردە و شێوازی دروست و سەرکەوتوو بۆ سیستمەکە خرانەڕوو.


هه‌روه‌ها گوتیشی: "پێشنیاز کرا ئەگەر لەو 31 قوتابخانەیە سیستمەکە سەرکەوتوو بوو، ئەوا بابەردەوم بن، ئەگەر لە ھەر شوێن و ناوچەیەکیش کێشە هه‌بێت و نه‌توانرێت بەردەوامی پێبدرێت، ئەوا دەتواندرێت سیستمی ئینگلیزیەکە ھەڵپەسێردرێت و درێژە بە پرۆگرامی کوردی بدرێت".



ڕوونیشیکردەوە، كه‌ بۆ ئەو مەبەستە بڕیاردرا لیژنەیەک پێکبھێندرێت و سەردانی قوتابخانەکان بکات، : "له‌و سه‌ردانه‌دا بریار لەسەر بەردەوام بوون یاخود ھەڵپەساردنی سیستمەکە، ده‌ده‌ن".
bas news-