به‌رپرسا سه‌نته‌رێ وێ یێ ساخله‌میى وجڤاكى بۆ ئافره‌تان سه‌ر ساخله‌میا دهۆكێ ڤه،‌ دیاركر، کو هژماره‌كا قوتابیێن زانكۆیا دهۆك ب مه‌ره‌ما به‌رهه‌نگاریا نه‌خۆشیا په‌نچه‌شێرا مه‌مكى رێپیڤانه‌ك دناڤ زانكۆیا دهۆكێ دا سازكرن.

د. لۆما حازم، به‌رپرسا سه‌نته‌رێ وێ یێ ساخله‌میى وجڤاكى بۆ ئافره‌تان سه‌ر ساخله‌میا دهۆكێ، ڤه‌ دیاركر: "ئه‌ڤرۆ 7/11/2018 ل ژێر دروشمى چوو جاران بى هیڤى نه‌به‌ رێڤه‌به‌ریا كاروبارێن خوه‌ پاراستنا ساخله‌میێ سه‌ر رێڤه‌به‌ریا گشتیى یا ساخله‌میى ڤه‌ دگه‌ل رێكخراوا ئافره‌تان پێخه‌مه‌ت هوشیاریا وه‌لاتیان ژ په‌نچه‌شێرا مه‌مكى رێپیڤانه‌ك ئه‌نجامدان. مه‌ ڤیا خه‌لك پتر خوه‌ بپارێزن ژ ڤێ نه‌خۆشیێ چونكو نه‌خۆشیا په‌نچه‌شێرا مه‌مكى به‌ره‌ڤ زێده‌بوونێ دچیت ل دهۆكێ".

خویا ژى كر: "سالانه‌ ل جیهانێ ملیونه‌ك وپێنچ سه‌د هزار كه‌س گیانێ خو ژبه‌ر ڤێ نه‌خۆشیا مه‌ترسیدار ژ ده‌ستدده‌ن. ب ریێا ئه‌نجامدانا وه‌رزش و راهێنان وخارنا ساخله‌م ونه‌كێشانا جگارا هه‌موو كه‌س دشێن پاراستنا خوه‌ بكه‌ن. ئه‌ڤ رێپیڤان بۆ ڤێ مه‌ره‌مێ ژى هاتبوو رێكخستن".

ل سالا بۆریدا ل پارێزگه‌ها دهۆكێ 188 حاله‌تێن په‌نچه‌شێرا مه‌مكى هاتبوونه‌ تۆماركرن. ئه‌ڤ ل سالا ده‌ستپێكا 2018 هه‌تا هه‌یڤا نه‌ه لدهۆكێ 782 نه‌خۆشێن په‌نچه‌شێرى هاتینه‌ تۆماركرن، ژوانا ژى 140 په‌نچه‌شێرا مه‌مكى بووینه‌.











باسنيوز