په‌یڤدارێ رێڤه‌به‌ریا پۆلیسێن پارێزگه‌ها دهۆكێ راگه‌هاند، دو باندێن بازرگانیێ ب مادێن هۆشبه‌ر دكه‌ن ل قه‌زا زاخۆ دهێنه‌ ده‌سته‌سه‌ركرن كو د ناڤا ڤان دو باندان دا نه‌هـ تۆمه‌تبار بوون و دان ب تاوانێن خوه‌ كرینه‌.

موقه‌دم هێمن سلێمان، په‌یڤدارێ رێڤه‌به‌ریا پۆلیسێن پارێزگه‌ها دهۆكێ، راگه‌هاند: ”پۆلیسێن نه‌هێلانا گونه‌هباریان ل قه‌زا زاخۆ بانده‌كێ بكارهێنه‌ر و بازرگانێن مادێن هۆشبه‌ر ل قه‌زا زاخۆ ده‌سته‌سه‌ربكه‌ن كو ژ چوار تۆمه‌تباران د پێكهاتى بوون و زیچده‌ترى دو كیلۆیێن مادێ هۆشبه‌ر یێ هیرۆیێن هاتینه‌ ده‌سته‌سه‌ركرن د ترۆمبێله‌كا ته‌كسى و ب رێكا ترۆمبێله‌كا ئینابوونه‌ زاخۆ و هه‌ر چوار تۆمه‌تبار ل گۆره‌ى قانوونا 14 ل سه‌ر 2 ژ قانوونا كه‌ره‌ستێن بێهۆشكه‌ر هاتینه‌ ده‌سته‌سه‌ركرن و دانپێدان ب تاوانێن خوه‌ كرینه‌ و بۆ مه‌ره‌ما بازرگانیێ ئینابوون“.

په‌یڤدارێ رێڤه‌به‌ریا پۆلیسێن پارێزگه‌ها دهۆكێ، ئاشكرا ژى كر، كو باندێ دوویێ یێ تۆمه‌تباران یێ پێكهاتى بوو ژ پێنچ تۆمه‌تباران كو ل ده‌مێ بكارئینانا حه‌بێن بێهوشكه‌ر هاتینه‌ ده‌سته‌سه‌ركرن و سێ تاوانبارێن ژ وان ل ده‌مێ بكارئینان مادێن بێهۆشكه‌ر ده‌سته‌سه‌ركرینه‌ و هه‌ردوو تاوانبارێن دى 19 حه‌بێن بێهۆشكه‌ر د ده‌ستێ وان دابوون و دان ب تاوانێن خوه‌ كرینه‌.

ئاماژه‌ ب هندێ ژى دا كو ژ باندێ ئێكێ یێ ده‌سته‌سه‌ركریێن مادێن هۆشبه‌ر، سێ ژ وان خه‌لكێ زاخۆنه‌ و ئێك ژى خه‌لكێ قه‌زا شێخانه‌.











باسنيوز