دەڤەرێن كریستیانا ل دەشتا مووسل ئەوێن ل بن كنترولا پیشمەرگەی دئارامن ، ئەو دەڤەرێن بن كنترولا حەشدا شەعبی مەترسی هەیە لسەر ژیانا وان هەیە ، هەتا نوكە ب گشتی هژمارەكا كریستیانان چارەنڤیسێ‌ وان یێ‌ نەدیارە ل دەست داعشدا.

كەمال یەلدا،نونەرێ‌ كریستیانا ل پەرلەمانێ‌ كوردستانێ‌ ، راگەهاند : بارودخی كریستیانا ل دەشتا مووسل یێ‌ ئارام نیە ل دەست حەشدا شەعبی و سوپایێ‌ عیراقێ‌ ، كریستیانا باوەری نینە ڤەگەرنەڤە سەر جهـ و دەڤەرێن خوە ،هەتا نوكە رێژا 40% كریستیان ڤەگەریانە سەر جهێن خوە ل دەشتا موسل و 60% هێشتا ل ئاوارەیێ‌ دژین ل سنورێ‌ پارێزگەها هەولێرو دهوك.

ناڤبری گوتژی : كریستیانا باوەری نەمایە ڤەگەرنەڤە سەر جهێن خوە ژبەر حەشدا شەعبی ، ئەو كریستیانێن زڤریەڤە سەر جهێن خوە پێشمەرگە ل دەڤەرێن وان هەنە ، ئەگەر پێشمەرگە نەبیت ئازادی و ژیان نابیت ل دەڤەرێن كریسیتانا.

تەكەز كر : پشتی سالا 2014 ێ‌ داعش دەشتا موسل كنترول كرن پتر ژ 100 كچ و ژنێن كریستیان هاتنە رەڤاندن و هەتا نوكە هژمارەكا وان هاتیە ئازادكرن ب رێكین جودا نوكە پتری 30 كەسا ماینە دەست داعشدا و چارە نڤیسێ‌ وان یێ‌ نەدیارە ،كو 10 ژوان گەنجن و 20 كەسێن دانعەمرن.

" سالا 2014 ێ‌ رێكخراوا تیرورستیا داعش دەست ب سەر موسل داگرتی 80% مەسیحێن دەشتا موسل ئاوارە بون بو هەرێما كوردستانێ‌ ."










باسنیوز