ئاوارەیێن زڤریەڤ ل دەشتا موسڵا ژبەر حەشدا شەعبی نەشێن چاندنێ بكەن
ئەو ئاوارەیێن پشتی سێ سالا ل ئاوارەیێ زڤریەڤە سەر جهێن خوە، نوكە ژبەر حەشدا شەعبی نەشێن ئەردێن خوە بكێلن ، پرانیا وان ژی خودان پەزن و ئالیك دڤێت ژبۆی پەزێ خوە.
جەلال ئێزدی، جوتیارەكێ دەشتا موسلە، راگەهاند: حەشدا شەعبی ب تەمامی دەشتا موسل تێكدایەو خەلك هەمو بێزار بۆیە ل رەفتارێن وان ،بەریا نوكە لبەر چەكدارێن داعش و مانەڤەیا مین و تەقەمەنیا ل ناڤ ئەردێن خوە ئەم نەشیاین ئەردێ خوە بكێلین ئەڤسالە ژی لبەر حەشدا شەعبی كو بۆ مە بۆیە ئاریشەو رێگر ل هەمبەر ژیانێ ، وەناكەن ئەم ئەردێ خوە بكێلێن هەمی تشت لسەر مە گرانكریە ناهێلن توڤێ گەنمی ل دەرڤە بینینە ناڤ زەڤیێن خوە ئاستەنگا بۆمە دروست دكەن ناهێلن كارێ خوەیێ چاندنێ بكەین و مە پەز هەیەوپێدڤی ب ئالیكی هەیە .
ئابۆریناس كاروان سامی، راگەهاند: دەشتا موسل زورا گونجایە بۆ كارێن چاندنێ ب خودان كرنا تەرش و كەوالی و ئاژەلداریێ نەبۆنا ئارامیەكا باش كاریگەریەكا مەزن دێ هەبیت كو جوتیار نەشێت كارێ چاندنێ بكەت، سالێن بۆری گەلەكا توڤ چاند نەشیان ب دورن، وان نوكە بنە توڤ نەمایە بۆ چاندنێ، لایەنێ ئەمنی بنەمایەكێ سەرەكیێ ئابۆریەكا ب هێزە ب تایبەتی ل كەرتێ چاندنێ و پیشەسازیێ دا، ل دەشتا موسل ب گشتی كو ژیار و ژیانا وان لسەر چاندنێ یە زیانێن مەزن بەر ب ئابۆریا وان وەلاتی گەهاندینە ب نەچاندنا گەنمی ل دەمێ پێنچ سالێن بۆری ژبەركو روبەرەكێ گەلەك مەزن هەیە یێ چاندنێ هەیە ل دەڤەرێ چەند سالە وەك پێدڤی نەهاتیە چاندن.
باسنیوز
