هێزه‌كانى توركیا هێرشیان كرده سه‌ر په‌كه‌كه و كوژراو هه‌یه
وه‌ك له هه‌واڵه‌كه‌ى ئاژانسى ڕۆه‌یته‌رز، هاتووه: "هێزه ئه‌منییه‌كانى توركیا به پشتیوانى كۆپته‌ر، هێرشیان كردووه‌ته سه‌ر ناوچه‌یه‌كی سنوورى و به‌دواى گه‌ریلاكانى (PKK)دا گه‌ڕاون".
ڕوونیكردووه‌ته‌وه، گومانیان كردووه گه‌ریلاكانى په‌كه‌كه به‌ره‌و پارێزگاى حقارى په‌ڕیونه‌ته‌وه بۆیه هێرشه‌كه‌یان كردووه.
ئه‌و ئاژانسه له‌سه‌ر زارى سه‌رچاوه‌كانییه‌وه ئاشكراى كردووه، كه شه‌ڕ و پێكدادان له‌نێوان هێزه‌كانى توركیا و گه‌ریلاكاندا دروست بووه و له‌ئه‌نجامدا، دوو سه‌ربازى توركى و دوو چه‌كدارى هێزه ئه‌منییه‌كانى توركیا كوژراون و چوار گه‌ریلاش، گیانیان له‌ده‌ست داوه
باسنيوز
