رێڤەبەرێ پەروەردێ ل قەزا تلکیفێ دیارکرکو 12 ماموستایێن پەروەردا مە ل مووسل دەمێ ھاتنا تیرۆرستێن داعش سالا 2014ێ بەرزەبوون، ھەتا نۆکە چارەنڤیسێ وان نەدیارە.

عەلی عیدۆ، رێڤەبەرێ پەروەردێ ل قەزا تلکیفێ دیارکر: "ئەو ماموستایێن ئاکنجیێن مووسل بوون ل پەروەردا تلکیفێ دەوام دکرن، دەمێ تیرۆرستێن داعش ھاتین سالا 2014ێ ئەو ماموستا مانە دناڤ مووسلێ دا. ھەتا نۆکە ئەم تشتەکێ ژ چارەنڤیسێ وان نوزانن وگەلەک مامۆستایێن ئێزدی و مەسیحی ژی ئاوارە بووینە وھەتا 100 ماموستایان ژی مۆلەت وەرگرتینە زیانەکا مەزن گەھشتیە میلاکێ پەروەردا تلکیفێ".

خویا ژی کر: "ئەو مامۆستایێن مەسیحی یێن ئاوارە بووین، نۆکە ل ھندەک پەروەردێن دی دەوامێ دکەن وگەلەک مامۆستایێن ئێزدی ژی مۆلەت وەرگرتینە و قەستا ژ دەرڤەی وەلاتی کرینە. ئەم داخوازێ ژ حکومەتا ھەرێما کوردستانێ دکەن ڤالاھیا میلاکێ پەروەردا تلکیفێ پر بکەت بۆ سالا نوو یا خاندنێ".










باسنیوز