شارەزاییەکی یاسایی دبێژیت، ل دووڤ دەقێ برگێن (پەیمانا شیگاگۆ) د بوارێ فڕۆکەڤانێدا (عەبادی) عێڕاقی ئێخستە د شاشیەکا مەزندا عێڕاق چاڤەرێ سزایەکێ مەزن نیڤ دەولەتیه، ژ ئەگەرێ بریارەكا شاش كو بڕیارا قەدەغەکرنا گەشتێن مەدەنی یێن ئاسمانی ل هەردوو فروكخانێن نێڤدەوڵەتی یێن هەولێر و سلێمانی،و بەغدا هزر ل وێ یەکێ نەكر كو ئەڤە پێشێلا یاسایێن نێڤدەولەتیە.

(بەهائدین دەشتانی)، بۆ ماڵپەرێ فەرمیی یێ پارتی دیموکراتی کوردستان گۆت:''یاسایا فڕۆکەڤانی یا ژمارە (184)ـێ ل ساڵا (1974) یا جێبەجێ کری تێیدا هاتیە، د بەندی (3) یێ ژ پەیمانا شیکاگۆی یا فڕۆکەڤانی یا مەدەنی ل ساڵا (1944) ئێراق ئێك ژوان وەلاتایە كو دڤێت پابەندی ڤێ یاسایێ بیت چنكو ئەوژی ئەندامە د ڤێ پەیمانێدا .

دیار ژی کر، د بەندا (9)ـێ پەیمانێ دا هاتیە بتنێ لڤی ئەگەری ئەڤە دبنە دەڤەرێن قەدەغەکری، ئەوژی هەبوونا جەنگی ل وێ هەرێمێ یان ئەگەر تەقینەک یان هەر بارەکی دی یێ نە چاڤەرێکری یێ ئەمنی پەیدابوون، ل ڤان باران دا بتنێ ماف دایە حكومەتێ گەشتا ب راوەستینین ئەوژی ب مەرجەك هەمی گەشتا بخوڤە بگریت ژ دەرڤە و نافخو، نابیت رێکێ ب فروكێن خو بدەن بفریت و بۆ یێن دی قەدەغە بیت.

ئەو یەکە زەلالکر، بەندا (84)ـێ ژ پەیمانا شیکاگۆ هەر وەڵاتەکی ئەندام پێشێلا سۆزێن خۆ بكەت، ل وی دەمی ئەنجومەن پێگیر بیت، كو ل سەر داخازیا هەر وەلاتەكی بیت سكالایێ دژی هەر وەلاتەكێ پێشیلا یاسا و رێسایێن رێكەفتنێ كاربكەت توماربكەت .

ناڤهاتی ل دوماهیێ دیارکر، خودانێن كومپانێن فروكەڤانی دشێت سكالایێ دژی حكومەتا عێراقێ توماربكت و داخازا قەرەبوكرنێ ژێ بكەن، ئەگەر (عەبادی) بەردەوام بیت لسەر ڤێ بریارێ دێ عێراقێ توشی سزایێن ئەسمانی کەت، و ئەڤەژی دێ بیتە سزایەكێ دی ل سەر عێراقێ ب پێشیلكرنا پەیماننامێن دەولی، و عێراق دێ نەچاربیت سزاێن قەرەبوکرنا هەمی وان كومپانیا بدەت كو زیان گەهشتینێ، و ئەڤ کریارە هەموو د بەرژوەندییا کوردان دانە یێن کو حکومەتا عیراقێ دکەت چونکی شاشیێن یاسایی نە .
kdp-