- بەرێوبەری ناحیەی حاجی ئۆمەران دەڵێت، جموجووڵی بازرگانی لە نێوان ھەرێم و ئێراندا بەردەوامە و ھیچ گۆڕانکارییەکی بەسەردا نەھاتووە و مانۆڕە سەربازییەکەی ئێرانیش ھیچ کاریگەری نەبووە.

پەرلەمانی عێراق لە چوارچێوەی ئەو بڕیارانەی دەری کردوون بۆ سزادانی ھەرێمی کوردستان داوای لە وڵاتانی دراوسێ کرد، سنوورەکانیان بە ڕووی ھەرێمی کوردستاندا دابخەن و بازرگانی لەگەڵ ھەرێمی کوردستان ڕابگرن، بەڵام تا ئێستا سنوورەکان کراوەن و جموجووڵی بازرگانیش بەردەوامە و ھیچ گۆڕانکارییەکیشی بەسەردا نەھاتووە.

(فەرزنک ئەحمەد) بە ماڵپەڕی فەرمیی پارتی دیموکراتی کوردستانی ڕاگەیاند: ''جموجووڵی بازرگانی لە نێوان ھەرێمی کوردستان و ئێراندا بەردەوامە و ھیچ گۆرانکارییەکی بەسەردا نەھاتووە و ڕۆژانە بارزگانی دەکرێت و خەڵکیش ھاتوچۆ دەکەن، بۆیە ھیچ کێشەیەک لەئارادا نییە و دۆخەکە ئارامە.''

(ئەحمەد) گوتیشی: ''ئەو مانۆڕە سەربازییەی لەسەر سنوور و لە لایەن ئێرانەوە ئەنجام دەدرێت، ھیچ کاریگەریی لەسەر جموجووڵی بازرگانی و ھاتوچۆی ھاووڵاتییان نەبووە.''
kdp-