دوای ئەوەی ئەمرۆ هەینی ئاهەنگی كەرنەڤاڵی پشتگیری كردن لە سەربەخۆیی كوردستان لە ناحیەی كەسنەزان بەرێوەچوو كە تیایدا چەند گروپێك بەشداریان تێیدا كرد.

یەكێك لەو گروپانەش، گروپی ئاگرین_بوو كە سەرۆكی گروپەكەش ئافرەتێكی بەرێز خاتووون ئەمەل بوو كە چەند لێدوانێكی بۆ گوڵان دا.

خاتوون ئەمەل: ئێمە وەكو گروپی ئاگرین و بە تایبەتی ئافرەتان پشتگیری خۆمان بۆ ریفراندەمی سەربەخۆیی كوردستان دووپات دەكەینەوە وە پشتگیری لە هەر كارو چاڵاكیەكی لەم جۆرەیە دەكەین.

خاتوون ئەمەل گووتیشی: داوا لە هەموو هاوڵاتیانی كوردستان دەكەین بە تایبەتیش ئافرەتان كە دەنگ بە بەڵێی سەربەخۆیی كوردستان بدەن چونكە بە هەزارەها دایكە شەهید چ لە رابردوو و چ لە ئێستادا چاوەرێی ئەم رۆژە مێژووییە دەكەن كە رۆلەكانیان بۆ پاراستن و سەربەخۆیی كوردستان گیانیان سپارد و شەهید بوون.

محمد سلێمان