گرووپی خۆبەخشی هەڵۆکانی سەفین ئاهەنگێکی فراوان لە شارەدێی هیران لە شارۆچکەی شەقڵاوەی پارێزگای هەولێر ساز دەکات.



ئاهەنگەکە بۆ پشتگیریکردنی هەوڵەکانی سەربەخۆیی هەرێمی کوردستانی عێراقە و تێیدا هاووڵاتییان و رێکخەرانی ئاهەنگەکە رایدەگەیەنن، (بەڵێ) بۆ سەربەخۆیی کوردستان.



ئەو ئاهەنگە، گرووپی هەڵۆکانی سەفین کاتژمێر 4ـی ئێوارەی رۆژی هەینی 15/9/2017 لە سەنتەری بازاڕی هیران ئەنجامی دەدات.



هەروەک لە کۆبوونەوەی رۆژی چوارشەممە 7.6.2017ـی مەسعود بارزانی، سەرۆکی هەرێمی کوردستان لەگەڵ نوێنەر و سەرکردەی حزب و لایەنە سیاسییەکانی کوردستان، بڕیاردرا، بڕیارە رۆژی 25ـی ئەیلوولی 2017 ریفراندۆمی سەربەخۆیی کوردستان لە هەرێمی کوردستان، کەرکووک و ناوچە کوردستانییەکانی دەرەوەی ئیدارەی هەرێمی کوردستان، ئەنجام بدرێت.




باسنیوز