سپێدەھیا ئەڤرۆ ل رێکەفتی 12/9/2017 ل ئوتێلا ژیان ل سەنتەرێ باژێرێ دھوکێ ، سەندیکا رۆژنامەڤانێن کوردستانێ لقێ دھوکێ چالاکیەکا بەرفرەە بو پتر ژ (200) رۆژنامەڤانان ئەنجام دا و ھەمو وان رۆژنامەڤانێن پشکدار پشتەڤانیا خو بو پرۆژێ (بەلێ) بو ریفراندومێ راگەھاند.


ڤیان عەباس، سکرتێرا لقا دھوک یا سەندیکا رۆژنامەڤانێن کوردستانێ گوت: "وەکە دیار رۆژنامەڤان ھەردەم ھێزەکا مەزن بویە ژ بو گەھاندنا ھەر ئاریشەیەکێ بو جھێن پەیوەندیدار و ھەر رۆژنامەڤان بویە ھەردەم حەزا وێ چەندێ ھەبویە کو وەلاتێ وان پێش بکەڤیت".



سکرتێرا لقا دھوک یا سەندیکا رۆژنامەڤانێن کوردستانێ بۆ (باسنیوز)، دیارکر ژی: "ئەڤرۆ پتر ژ 200 رۆژنامەڤانێن دھوکێ پشکداری چالاکیا پشتەڤانیا ریفراندومێ بون و ھەمو رۆژنامەڤانان دوپاتکر دەنگێ وان ب (بەلێ) بو ریفراندومێ یە".



ناڤبریێ گوت ژی: "پشتی چالاکیا مە ب دوماھی ھاتی ، ھەمو رۆژنامەڤانان ل زانکویا پولیتەکنیکی یا دھوکێ ل سەر دیوارەکێ پشکا رۆژنامەڤانیا ئەلکترونی، ھەستێن خو بو وەلاتێ خو دیارکرن و ھەر رۆژنامەڤانەکێ ھەلویستەک و پەیڤەک و ناڤێ خو ل سەر دیوارێ ئەوێ زانکویێ نڤیسا و دێ بۆ بیرھاتن مینیت و رۆژنامەڤان دەسھەلاتا چارێ یە و گەلەک جاران رویدایە رۆژنامەڤان بونە ئەگەر بریارێن گرنگ بھێنە ھەلوەشاندن لەورا مە فەر دیت ئەڤرۆ ئەڤێ چالاکیێ ئەنجام بدەین و وەک بەری نوکە ژی سەدان رۆژنامەڤان پشکداری بەروکێن شەران بونە و مل ب ملێ پێشمەرگان کارێ خو ب دروستی ئەنجام دایە".
bas news-