سەرۆکا لیستا کلدانی سریانی ئاشووری ل پەرلەمانێ کوردستانێ ئەڤرۆ 12/9/2017 ل پارێزگەھا دھۆکێ دیارکرکو ھەولیر پتر ژ بەغدا مافێن پێگھاتێن کوردستانێ دپارێزت بتایبەتی ژێ پیگھاتی کلدانی وسریانی و ئاشوری ئەم یێ بەرەڤ ئایندەکێ گەش ڤە دچن.



وحیدە یاقو، سەرۆکا لیستا کلدانی ئاشووری و سریانی پەرلەمانێ کوردستانێ دیارکر: "پشتی رێفراندۆمێ دێ مافی ھەموو پێگھاتان ھێتە پاراستن دێ دەستوری مەدەنی ھێتە دانان بۆ دەولەتا کوردستانێ دێ ژین وژیارا ھەموو پێگھاتێن کوردستانێ گەلەک خوش بیت نەخاسمە پێگھاتێن ئاشوری وکلدانی و سریانی دچارچووڤی عێراقی دا مافێن مە ھاتینە بن پێ کرن وھەردەم ئەم مەغدوورن دعێراقی دا وکارەسات بسەری خەلکێ مە ھاتینە دەمێ کوردستان بیتە دەولەت دێ ئاشوری و سریانی و کلدانی پاراستی بن تووشی کارەساتان نابن".



خۆیا ژی کر: "پێگھاتێن کلدانی سریانی ئاشوری گەلەک نەخۆش دگەل عێراقی دیتینە ھەردەم ژین وژیارا خەلکێ مە دمەترسیێ دایە، ئەم دێ دەنگێ بەلێ دەنگ بۆ رێفراندوما سەربەخۆیا کوردستانێ دەن چونکو ئەم باش دزانن دێ سەرۆک بارزانی ھەموو مافێن پیگھاتان پارێزت دێ رەوشا خەلکێ مە خوش کەت".
bas news-