رۆژنامەڤانێن دهۆکێ سەر ب پرانیا لایەنێن سیاسى و ب پێکهاتە ڤە پێشتەڤانیا خۆ بۆ ریفراندۆما هەرێما کوردستانێ راگەهاند، و ئەڤ پرۆسێسە ب پرسەکا گرنگا نیشتمانى و نەتەوەیى ل قەلەمدا.

(زەرى نەوزاد)، بەرپرسا لێژنا خانمان سەر ب سەندیکا رۆژنامەنڤیسێن کوردستانێ تایێ دهۆک، بۆ مالپەرێ فەرمیێ پارتى دیموکراتى کوردستان گۆت:" دهەر پرسەکا گرنگا نیشتمانى و نەتەوەیى دا، ئەرگە لسەر ملێن رۆژنامەڤانان خۆ ب بەرپرس هەمبەر ببینن، جونکى ئەو پرەکێن دناڤبەرا دەستهەلات و جەماوەریدا، کۆ رۆژنامەڤان دەنگێ خەلکى دگەهینە جهێن بەرپرس و دەستهەلات".

ل 12ێ ئەیلولا ئەڤ سالادا، سەندیکا رۆژنامەنڤیسێن کوردستانێ تایێ دهۆک پێشخەرى بۆ پێشتەڤانیکرنێ ل ریفراندۆما هەرێما کوردستانێ کر، بەرپرسا لێژنا خانمان سەر ب سەندیکا رۆژنامەنڤیسێن کوردستانێ تایێ دهۆک خویاکر:" سەندیکا رۆژنامەنڤیسێن کوردستانێ تایێ دهۆکێ بفەر دیت ئەڤرۆ خۆ لڤێ پرسا دیرۆکى بکەتە خودان و بدەنگێ بەلێ بۆ نیشتمان د چەندین پەنەلاندا رونکرنان بدەتە سەر ریفراندۆما هەرێما کوردستانێ و چ پێدڤیە لسەر رۆژنامەڤانان بکەن بەرامبەر سەرئێخستنا ڤێ پروسیسێ".

(رەقیب مەحموود)، ئەندامێ دەستەیا سەندیکا رۆژنامەنڤیسێن کوردستانێ تایێ دهۆک، بۆ مالپەرێ فەرمیێ پارتى دیموکراتى کوردستان زەلالکر:" ل هەمى دەمەکى نابیت رۆژنامەڤان دیتنا خۆ لسەر چ بابەتان دیار بکەت، لێ دپرسەکا چارەنڤیسى دا بۆ مللەتێ خۆ گرنگە خۆ ب بەرپرس و خودان بەرامبەر ببینیت".

(رەقیب مەحموود)، دیارکر:" ئەڤرۆ دەنگێ رۆژنامەڤانێن دهۆکێ بۆ سەربەخۆییا کوردستانێ بوویە و بۆ هەمى جیهانێ دیارکر، کۆ مللەتێ کورد ب هەمى جین و نەتەوە و پێکهاتەڤە کار بۆ سەربەخۆیا وەلاتێ خۆ دکەن، مە ژى نامە و پەیاما خۆ گەهاندە هەمى وەلاتێن جیهانى".

سەندیکا رۆژنامەنڤیسێن کوردستانێ تایێ دهۆک ب (1400) ئەندامان پێک دئێت، رۆژنامەنڤیسێن سەر ب هەر 16 لایەنێن سیاسى ڤە یێن رازیبووین لسەر ئەنجامدانا ریفراندۆما هەرێما کوردستانێ، ئەڤرۆ د چالاکیەکێ ب بدەنگێ بەلێ پەیاما خۆ گەهاندە هەمى جیهانێ.
kdp-